ഗഗൻയാൻ ദൗത്യം മൊത്തത്തിൽ മലയാളിക്ക് ഇരട്ടി സന്തോഷം നൽകുമെന്ന് തീർച്ച. യാത്രസംഘത്തിൽ മാത്രമല്ല മലയാളി മറിച്ച് യാത്രികർക്കായുള്ള ഡയറ്റൊരുക്കുന്നതും മലയാളി തന്നെയാണ്, അതുമൊരു നെന്മാറക്കാരൻ തന്നെയാണ്. ഹൈദരബാദ് ഐസിഎംആർ– നാഷനൽ ഇൻസ്റ്റിറ്റ്യൂട്ട് ഓഫ് ന്യൂട്രീഷനാണ് (എൻഐഎൻ) നെന്മാറ വിത്തനശ്ശേരി ഗ്രാമത്തിൽ തന്നെയുള്ള ശാസ്ത്രജ്ഞൻ ഡോ.ഇ.ആർ.നന്ദീപ്. അദ്ദേഹമാണ് എൻഐഎൻ സംഘത്തിൽ ഡയറ്റ് പ്ലാൻ തയാറാക്കുന്നത്.
ഗഗൻയാൻ യാത്രയ്ക്ക് തിരഞ്ഞെടുക്കപ്പെട്ടവർ ഇതിനോടകം തന്നെ കൃത്യമായ ഡയറ്റാണ് പിന്തുടരുന്നത്. ശരീര പരിശോധന നടത്തി, ആവശ്യമായ ഘടകങ്ങൾ എല്ലാം ഉൾപ്പെടുന്ന ഭക്ഷണമാണ് ഇവർക്ക് നൽകുന്നത്. ശരീരഭാരവും മറ്റ് ശാരീരിക ഘടകങ്ങളെയും ഏറെ കാലം കൃത്യമായ അളവിൽ നിലനിർത്തണം. ഡിആർഡിഒയ്ക്ക് കീഴിൽ മൈസൂരുവിൽ പ്രവർത്തിക്കുന്ന ഡിഫൻസ് ഫുഡ് റിസർച്ച് ലബോറട്ടറിയാണ് ഇവർക്കായുള്ള ഭക്ഷണങ്ങളുടെ മെനു തയ്യാറാക്കുന്നത്. നാളുകളോളം കേടുകൂടാതെ സൂക്ഷിക്കാനാകുന്ന റെഡി ടു ഈറ്റ് ഭക്ഷണങ്ങളാണ് ബഹിരാകാശ യാത്രയിൽ നൽകുക. ഭൂമിയിൽ തിരികെ എത്തുന്നതോടെ മറ്റൊരു ഡയറ്റ് പ്ലാനായിരിക്കും ഉണ്ടാവുക.
ഇഡ്ഡലി. ഉപ്പുമാവ്, ബിരിയാണി, വെജിറ്റബിൾ പുലാവ്, ദാൽ കറി, മിക്സഡ് വെബിറ്റബിൾ കതറി, ചപ്പാത്തി തുടങ്ങി വിഭവ സമൃദ്ധമായ വിഭവങ്ങളാണ് മൈസൂരിൽ തയ്യാറാക്കുന്നത്. ആഴ്ചകളോളം കേടുകൂടാതെ സൂക്ഷിക്കാനാകുന്ന റെഡി ടു ഈറ്റ് ഭക്ഷണമാണ് ഇവ. പ്രത്യേക പാക്കിംഗിലാകും ഇവ. പാനീയങ്ങൾക്ക് പ്രത്യേകം തയ്യാറാക്കിയ സ്ട്രോ ഉൾപ്പെടയുള്ള സാഷെ ഉണ്ടാകും.
