വ്യായാമം ചെയ്തതിന് ശേഷം കഴിക്കേണ്ട ഭക്ഷണരീതിയെ കുറിച്ച് പലരും ശ്രദ്ധിക്കാറില്ല. വ്യായാമം ചെയ്തതിന് ശേഷം വിശ്രമിക്കുന്നത് പോലെ വ്യായാമത്തിന് ശേഷം കഴിക്കേണ്ട ഭക്ഷണരീതികളും പ്രധാനപ്പെട്ടതാണ്. ആരോഗ്യ പരിചരണത്തിന് പ്രധാനമായി വേണ്ട ഒന്നാണ് കൃത്യമായ ഭക്ഷണക്രമം. വ്യായാമത്തിന് ശേഷം വിറ്റാമിൻ അടങ്ങിയ ആഹാരങ്ങൾ കഴിക്കാൻ ശ്രദ്ധിക്കേണ്ടതുണ്ട്. ഇത് ആരോഗ്യത്തിന് വളരെയധികം ഗുണം ചെയ്യുന്നു. വ്യായാമത്തിന് ശേഷം കൊഴുപ്പ് അടങ്ങിയ ആഹാര പദാർത്ഥകൾ കഴിക്കരുതെന്ന് വിദഗ്ധ പഠനങ്ങൾ വ്യക്തമാക്കുന്നുണ്ട്. ഇത്തരത്തിൽ വ്യായാമത്തിന് ശേഷം കഴിക്കാൻ പാടില്ലാത്തത് എന്തൊക്കെയെന്ന് നോക്കാം.
വറുത്ത ഭക്ഷണങ്ങൾ
വ്യായാമം ചെയ്തതിന് ശേഷം എണ്ണയിൽ വറുത്തെടുക്കുന്ന ഭക്ഷണങ്ങൾ കഴിക്കരുത്. കാരണം കൊഴുപ്പ് അടങ്ങിയ ഭക്ഷണങ്ങൾ കഴിക്കുന്നതിലൂടെ ദഹന സംബന്ധ പ്രശനങ്ങൾ ഉണ്ടാകുകയും ആരോഗ്യത്തിന് ദോഷകരമായി ബാധിക്കുകയും ചെയ്യുന്നു.
അരി ആഹാരങ്ങൾ
വ്യായാമം ചെയ്തതിന് ശേഷം അരി ആഹാരങ്ങൾ കഴിവതും ഒഴിവാക്കണം. അരിയിൽ വലിയ തോതിലാണ് പഞ്ചസാര അടങ്ങിയിട്ടുള്ളത്. ഇത് രക്തത്തിലെ പഞ്ചസാരയുടെ അളവ് വർദ്ധിപ്പിക്കുന്നു.
പഞ്ചസാര പാനീയങ്ങളും സോഡയും
വ്യായാമം ചെയ്തതിന്റെ ക്ഷീണത്തിൽ പലരും സോഡ കുടിക്കാറുണ്ട്. എന്നാൽ വ്യായാമത്തിന് ശേഷം സോഡ, പഞ്ചസാര പാനീയങ്ങൾ എന്നിവ കുടിക്കുന്നത് ആരോഗ്യത്തിന് ദോഷകരമായി ബാധിക്കുന്നു.
എരിവുള്ള ഭക്ഷണങ്ങൾ
വ്യായാമത്തിന് ശേഷം എരിവുള്ള ഭക്ഷണങ്ങൾ കഴിക്കാൻ പാടില്ല. ഇത് ദഹനസംബന്ധമായ പ്രശ്നങ്ങൾക്കും ശാരീരിക അസ്വസ്ഥതകൾക്കും കാരണമാകുന്നു.
വ്യായാമത്തിന് ശേഷം എരിവുള്ള ഭക്ഷണങ്ങൾ കഴിക്കുന്നത് നെഞ്ചെരിച്ചിലിനും കാരണമാകാറുണ്ടെന്ന് ആരോഗ്യ വിദഗ്ധർ കണ്ടെത്തിയിട്ടുണ്ട്.
ഫാസ്റ്റ് ഫുഡ്
വ്യായാമത്തിന് ശേഷം ഫാസ്റ്റ് ഫുഡ് കഴിക്കുന്നതും പരമാവധി ഒഴിവാക്കണം. ഫാസ്റ്റ് ഫുഡിൽ അമിതമായി അടങ്ങിയിരിക്കുന്ന എണ്ണ ആരോഗ്യ പ്രശ്നങ്ങൾക്ക് വഴിവെക്കുന്നു.