തിരുവനന്തപുരം: ആറ്റിങ്ങലിൽ ഡോക്ടറുടെ വീട് കുത്തിത്തുറന്ന് വൻ മോഷണം. ഇന്നലെ രാത്രിയാണ് ദന്ത ഡോക്ടർ അരുൺ ശ്രീനിവാസിന്റെ വീട് കുത്തിതുറന്ന് കുത്തിത്തുറന്ന് മോഷണം നടത്തിയത്. 50 പവനും നാലര ലക്ഷം രൂപയും ആണ് മോഷണം പോയിരിക്കുന്നത്.
വീട്ടിൽ ആരുമില്ലാതിരുന്ന സമയത്താണ് കിടപ്പുമുറിയിലെ ലോക്കർ കുത്തിത്തുറന്ന് പണവും സ്വർണവും മോഷ്ടിച്ചത്. ഡോക്ടറും വീട്ടുകാരും ബന്ധുവീട്ടിൽ പോയ സമയത്തായിരുന്നു സംഭവം. മടങ്ങിയെത്തിയതിന് ശേഷമാണ് മോഷണ വിവരം അറിയുന്നത്.
വീടിന്റെ മുൻ വശത്തെ വാതിൽ കുത്തിത്തുറന്ന നിലയിൽ ആയിരുന്നു. പിന്നാലെ നടത്തിയ പരിശോധനയിലാണ് മറ്റുവാതിലുകളും ലോക്കറുകളും തകർത്തതായി കണ്ടെത്തിയത്. സ്വർണ്ണവും പണവും ലോക്കറിൽ ആണ് സൂക്ഷിച്ചിരുന്നത്. ലോൺ അടക്കാൻ വച്ച പണമാണ് മോഷണം പോയത്. സംഭവത്തിൽ പോലീസ് അന്വേഷണം ആരംഭിച്ചു.
