ബോയ്സ് എന്ന ചിത്രത്തിലൂടെ സുപരിചിതനായ നടൻ സിദ്ധാർത്ഥും നിരവധി ചിത്രങ്ങളിലൂടെ ശ്രദ്ധേയയായ അദിതി റാവു ഹൈദരിയും തമ്മിലുള്ള പ്രണയ വാർത്തകൾ ഏറെ കാലമായി ആരാധകർക്കിടയിൽ നിറഞ്ഞു നിൽക്കുകയാണ്. ഇതിനിടെയാണ് ഇരുവരും വിവാഹിതരായി എന്ന വാർത്തകൾ പുറത്തുവന്നത്. എന്നാൽ വിവാഹിതരായെന്ന വാർത്തകൾ നിഷേധിച്ച് രംഗത്തെത്തിയിരിക്കുകയാണ് അദിതി റാവു ഹൈദരിയും സിദ്ധാർത്ഥും. സമൂഹമാദ്ധ്യമങ്ങളിലടക്കം പ്രചരിക്കുന്ന വാർത്തകൾ തെറ്റാണെന്നും സിദ്ധാർത്ഥ് പറഞ്ഞു.
സിദ്ധാർത്ഥും അദിതിയും ഏറെ കാലമായി പ്രണയത്തിലാണ്. പൊതുവേദികളിലടക്കം ഇരുവരും ഒരുമിച്ച് പ്രത്യക്ഷപ്പെടാറുണ്ട്. ഇരുവരുടെയും വിവാഹം എപ്പോഴാണെന്ന ചോദ്യം ആരാധകർക്കിടയിൽ ഉയരുന്നതിനിടെയാണ് ഇന്ന് ഇരുവരും വിവാഹിതരായെന്ന വാർത്ത പുറത്തുവന്നത്.
തെലങ്കാനയിലെ വാനപർത്തി ജില്ലയിലെ ശ്രീരംഗപൂരിലുള്ള രംഗനാഥ സ്വാമി ക്ഷേത്ര മണ്ഡപത്തിൽ വെച്ച് അദിതി റാവു ഹൈദരിയും സിദ്ധാർത്ഥും വിവാഹിതരായതായി എന്ന തരത്തിലായിരുന്നു വാർത്തകൾ പ്രചരിച്ചത്. ഒരു തെലുങ്ക് ഓൺലൈൻ മാദ്ധ്യമത്തിലൂടെ ഈ വാർത്ത പുറത്തുവന്നത്. വിവാഹത്തിൽ ഇരുവരുടെയും കുടുംബാംഗങ്ങളും അടുത്ത സുഹൃത്തുക്കളും മാത്രമായിരുന്നു പങ്കെടുത്തത് എന്ന തരത്തിലായിരുന്നു വാർത്തകൾ.
എന്നാൽ ഈ വാർത്തയോട് പ്രതികരിച്ച് സിദ്ധാർത്ഥ് രംഗത്തെത്തി. ശ്രീരംഗപൂരിൽ ഒരു കുടുംബ ചടങ്ങിൽ പങ്കെടുക്കാനായാണ് ഞങ്ങൾ എത്തിയത്. വിവാഹ വാർത്തയിൽ സത്യമില്ലെന്നും ഇരുവരും ഇതുവരെ വിവാഹിതരായിട്ടില്ലെന്നും സിദ്ധാർത്ഥ് പറഞ്ഞു. ഞങ്ങളുടെ വിവാഹം ഈ വർഷം അവസാനത്തോടെ ഉണ്ടാകുമെന്നും സിദ്ധാർത്ഥ് പറഞ്ഞു.
