ന്യൂഡൽഹി: ആഗോളതലത്തിൽ ഇന്ത്യയ്‌ക്കുള്ള സ്വാധീനം വളരെ വലുതാണെന്ന് യുക്രെയ്ൻ വിദേശകാര്യ മന്ത്രി ദിമിട്രോ കുലേബ. റഷ്യ- യുക്രെയ്ൻ ബന്ധം തർന്ന സമയത്തുണ്ടായ ഇന്ത്യയുടെ ഇടപെടൽ വളരെ നിർണായകമായിരുന്നുവെന്നും ദിമിട്രോ കുലേബ പറഞ്ഞു. രാജ്യങ്ങൾക്കിടയിലുള്ള സമാധാനം നിലനിർത്തുന്ന രാജ്യമായാണ് ഇന്ത്യയെ മറ്റ് രാജ്യങ്ങൾ നോക്കിക്കാണുന്നതെന്നും അദ്ദേഹം വ്യക്തമാക്കി. വിദേശകാര്യ മന്ത്രി എസ്. ജയശങ്കറിന്റെ ക്ഷണപ്രകാരം രണ്ട് ദിവസത്തെ സന്ദർശനത്തിന് എത്തിയതായിരുന്നു അദ്ദേഹം.
”ആദ്യമായാണ് ഇന്ത്യയിലേക്ക് വരുന്നത്. ഇന്ത്യൻ വിദേശകാര്യ മന്ത്രി എസ് ജയശങ്കറിന്റെ ക്ഷണം ലഭിച്ചപ്പോൾ എനിക്ക് മറ്റൊന്നും ചിന്തിക്കേണ്ടി വന്നില്ല. ഉടനെ ഇവിടെ എത്തി. ഇന്ത്യയ്‌ക്ക് മറ്റു രാജ്യങ്ങൾക്കിടയിലുള്ള സ്ഥാനം വളരെ വലുതാണ്. യുക്രെയിനിൽ സമാധാനം നിലനിർത്തുന്നതിനും യുക്രെയ്ൻ ജനതയ്‌ക്ക് നീതി നേടികൊടുക്കുന്നതിനും ഞങ്ങൾക്ക് ഇന്ത്യയുടെ സഹായം വളരെ അത്യാവശ്യമാണ്.”-ദിമിട്രോ കുലേബ പറഞ്ഞു.
യുദ്ധങ്ങൾ നിർത്തലാക്കുന്നതുമായി ബന്ധപ്പെട്ട് ദക്ഷിണേന്ത്യയിൽ നിന്നുള്ള കൂടുതൽ രാഷ്‌ട്രങ്ങളെ ഇന്ത്യയ്‌ക്ക് ഒരുമിച്ച് കൊണ്ട് വരാൻ സാധിക്കും. നയതന്ത്ര ചർച്ചകളിലൂടെ യുദ്ധത്തിന് പരിഹാരം കണ്ടെത്താൻ സാധിക്കുെമന്നും ഭാരതത്തോടൊപ്പം നിൽക്കുന്നത് പല രാജ്യങ്ങൾക്കും സുരക്ഷിതത്വവും സമാധാനവും നൽകുന്നുണ്ടെന്നും അദ്ദേഹം വ്യക്തമാക്കി.
