കോഴിക്കോട്: പുറക്കാട്ടിരിയിൽ മൂന്ന് വയസുകാരനെ മടിയിൽ ഇരുത്തി കാർ ഓടിച്ച യുവാവിന്റെ ലൈസൻസ് സസ്പെൻഡ് ചെയ്തു. മലപ്പുറം സ്വദേശി മുഹമ്മദ് മുസ്തഫയുടെ ലൈസൻസ് ആണ് സസ്പെൻഡ് ചെയ്തത്. മൂന്ന് മാസത്തേക്കാണ് ആർടിഒ നടപടി സ്വീകരിച്ചിരിക്കുന്നത്.
തിരക്കേറിയ റോഡിലാണ് സംഭവം. കഴിഞ്ഞ മാസം പത്താം തീയതിയാണ് മുഹമ്മദ് മുസ്തഫ അപകടകരമാകും വിധത്തിൽ ഡ്രൈവ് ചെയ്തത്. സംഭവത്തിന്റെ ദൃശ്യങ്ങൾ എഐ ക്യാമറയിൽ പതിഞ്ഞിരുന്നു. ഇതിന്റെ അടിസ്ഥാനത്തിൽ ഉടമയോട് വിശദീകരണം തേടിയ ശേഷമാണ് മോട്ടോർ വാഹന വകുപ്പ് നടപടി സ്വീകരിച്ചത്.
