പാർലമെൻ്റിൽ ചോദ്യങ്ങൾ ഉന്നയിക്കുന്നതിന് കോഴ വാങ്ങിയെന്ന കേസിൽ അന്വേഷണം നേരിടുന്ന തൃണമൂൽ മുൻ എം.പി വീണ്ടും വിവാദത്തിൽ. പ്രചാരണത്തിനിടെ ഒരു വാർത്താ ചാനലിന് നൽകിയ പ്രതികരണമാണ് മഹുവാ മൊയ്ത്രയെ വെട്ടിലാക്കിയത്. ഇത് സോഷ്യൽ മീഡിയയിൽ വലിയ രീതിയിൽ പ്രചരിക്കുന്നുമുണ്ട്. പശ്ചിമ ബംഗാളിലെ കൃഷ്ണ നഗർ സ്ഥാനാർത്ഥിയായ അവർ വാഹന പ്രചാരണ ജാഥക്കിടെയാണ് തമൽ സാഹ എന്ന റിപ്പോർട്ടറുടെ ചോദ്യങ്ങളോട് പ്രതികരിച്ചത്.
ഈ രാവിലെ നിങ്ങളുടെ ഊർജത്തിന് പിന്നിലെ സ്രോതസ് എന്താണ്? എന്നായിരുന്നു ചോദ്യം. ഇതിന് അവർ നൽകിയ മറുപടിയാണ് വിവാദത്തിന് കാരണമായത്. ഇതിന്റെ വീഡിയോ പുറത്തുവന്നിട്ടുണ്ട്. പല രീതിയിൽ വ്യാഖ്യാനിക്കപ്പെടുന്ന വീഡിയോ എന്തായാലും വൈറലായിട്ടുണ്ട്. എക്സിൽ പങ്കുവച്ച വീഡിയോയാണ് പ്രചരിക്കുന്നത്.
Reporter – What’s Your Source Of Energy ?
Mahua Moitra – Sex or Eggs 🫥Pleae fact chek this @zoo_bear 🤣🤣
#MahuaMoitra pic.twitter.com/mzzDxlOPUk— PretMeena (@PretMeena) April 18, 2024
“>
2019ൽ നടന്ന ലോക്സഭ തെരഞ്ഞെടുപ്പിൽ ബിജെപിയുടെ കല്യാൺ ചൗബയെ പരാജയപ്പെടുത്തിയ മൊയ്ത്രയ്ക്ക് ഇത്തവണ കാര്യങ്ങൾ എളുപ്പമല്ല. അദാനി ഗ്രൂപ്പിനെ അപകീർത്തിപ്പെടുത്താൻ വ്യവസായി ദർശൻ ഹിരാനന്ദാനിയുമായി ചേർന്ന് നടത്തിയ കള്ളക്കളികൾ പുറത്തായതും പാർലമെന്റ് എത്തിക്സ് കമ്മിറ്റി അന്വേഷണത്തെ തുടർന്ന് എം.പി സ്ഥാനം നഷ്ടമായതും തൃണമൂൽ നേതാവിന് തിരിച്ചടിയാകും.
പലാഷിപര, കാളിഗഞ്ച് അടക്കമുള്ള ഇടങ്ങളിൽ ബിജെപിയുടെ ശക്തി വർദ്ധിച്ചതും കൃഷ്ണനഗർ ജനതയുമായി ആത്മബന്ധമുള്ള നാദിയ രാജകുടുംബത്തിൽ നിന്നുള്ള അമൃത റോയ് ബിജെപി സ്ഥാനാർത്ഥിയായതും തൃണമൂൽ കോൺഗ്രസിനെ ആശങ്കയിലാഴ്ത്തിയിട്ടുണ്ട്.
