നവി മുംബൈ: വാശിയിലെ ന്യൂ ഇറ ആശുപത്രിയുമായി ചേർന്ന് ശ്രീനാരായണ മന്ദിരസമിതി, വാശി യൂണിറ്റ് നടത്തിയ സൗജന്യ മെഡിക്കൽ ക്യാമ്പ് സമിതി പ്രസിഡന്റ് എംഐ ദാമോദരനും ഡോ. അശോക് ഷായും ചേർന്ന് ഉദ്ഘാടനം ചെയ്തു. ‘ആരോഗ്യകരമായ ഭക്ഷണം: എന്ത്, എങ്ങനെ?’ എന്ന വിഷയത്തിൽ ഹൃദ്രോഗ വിദഗ്ധൻ ഡോ. ഗിരീഷ് നായർ സംസാരിച്ചു.
മെഡിക്കൽ ക്യാമ്പിലെ പങ്കാളിത്തം ജനങ്ങളുടെ ആരോഗ്യ അവബോധത്തിന്റെ തെളിവാണെന്ന് സമിതി പ്രസിഡന്റ് എംഐ ദാമോദരൻ അഭിപ്രായപ്പെട്ടു. ന്യൂ ഇറ ഹോസ്പിറ്റൽ ഡയറക്ടറും ന്യൂറോ സർജനുമായ ഡോക്ടർ.സുനിൽ കുട്ടി, ന്യൂറോളജിസ്റ്റ് മധുകർ നായിക്ക്, ഡോക്ടർ. അമിത് ടൻകി, സമിതി സോണൽ സെക്രട്ടറി എൻ. എസ്. രാജൻ, വാശി യൂണിറ്റ് സെക്രട്ടറി രാധാകൃഷ്ണ പണിക്കർ എന്നിവർ സംസാരിച്ചു.
സമിതി കൗൺസിൽ അംഗങ്ങളായ ബാലൻ പണിക്കർ, ജയപ്രകാശ്, പ്രീത സുരേന്ദ്രൻ, ശശിധരൻ, വനിതാ വിഭാഗം കൺവീനർ ജയശ്രീ ശ്രീധരൻ, സെക്രട്ടറി സുജാത ശശിധരൻ, വത്സമ്മ വിശ്വനാഥൻ എന്നിവർ ക്യാമ്പിന് നേതൃത്വം നൽകി.
