ആലപ്പുഴ: അമ്പലപ്പുഴയിലെ ഗുരുമന്ദിരം പൊളിക്കുന്നതിന് തടയിട്ട് കോടതി. ഇത് സംബന്ധിച്ച് കോടതി പൊലീസിനോട് റിപ്പോർട്ട് തേടി. റിപ്പോർട്ട് പരിശോധിച്ച ശേഷം കോടതി മെയ് 20-ന് കേസ് വീണ്ടും പരിഗണിക്കും.
പ്രതിഷേധം വരും ദിവസങ്ങളിലും തുടരുമെന്ന് ഭക്തർ അറിയിച്ചു. കക്കാഴം 363-ാം നമ്പർ ഗുരുമന്ദിരം പൊളിക്കാനുള്ള ശ്രമങ്ങളാണ് നടക്കുന്നത്. നിക്ഷേപത്തട്ടിപ്പുമായി ബന്ധപ്പെട്ട കേസിൽ കോടതിയെ തെറ്റിദ്ധരിപ്പിച്ച് നേടിയ ഉത്തരവിന്റെ മറവിലാണ് ഗുരുമന്ദിരം പൊളിക്കാൻ ശ്രമം നടക്കുന്നത്.
ഗുരുമന്ദിരം നിൽക്കുന്ന 16 സെന്റ് സ്ഥലം വിൽക്കാനുള്ള നീക്കമാണ് നടക്കുന്നത്. നിക്ഷേപകർക്ക് പണം നൽകാനെന്ന പേരിലാണ് സ്ഥലം വിൽക്കാനൊരുങ്ങുന്നത്.
