ലോക മാതൃദിനത്തിൽ എല്ലാ അമ്മമാർക്കും ആശംസകൾ അറിയിച്ച് മോഹൻലാൽ. ഫെയ്സ്ബുക്കിലൂടെ അമ്മയോടൊപ്പമുള്ള പഴയക്കാല ചിത്രം പങ്കുവച്ചുകൊണ്ടാണ് മോഹൻലാൽ ആശംസകൾ പങ്കുവച്ചത്.
അഭിമുഖങ്ങളിലും മറ്റും പലപ്പോഴും മോഹൻലാൽ അമ്മയെ കുറിച്ച് വാചാലനായിട്ടുണ്ട്. അമ്മയെ കുറിച്ച് പറയാൻ കിട്ടുന്ന ഒരു അവസരവും മോഹൻലാൽ പാഴാക്കാറില്ല. അമ്മയുടെ പിന്തുണയും സ്നേഹമാണ് വിജയമെന്നും താരം എപ്പോഴും പറയാറുണ്ട്.
പല അഭിമുഖത്തിലും അമ്മയെ കുറിച്ച് പറയുമ്പോൾ മോഹൻലാലിന്റെ കണ്ണുകൾ നിറയാറുണ്ട്. സിനിമകളിലെ പോലെ യഥാർത്ഥ ജീവിതത്തിലും മകൻ വേഷം അലങ്കരിക്കുന്ന വ്യക്തിയാണ് മോഹൻലാൽ. അമ്മയോടൊപ്പമുള്ള ചിത്രം പങ്കുവച്ചതിന് പിന്നാലെ നിരവധി പേരാണ് ആശംസകൾ അറിയിച്ച് കമന്റ് ബോക്സിൽ പ്രത്യേക്ഷപ്പെട്ടത്.
