വിദ്യാർത്ഥികൾ സഞ്ചരിക്കുന്ന വഴിയിൽ നിന്നും ഭീമാകാരനായ മുതലയെ കണ്ടെത്തി. തെക്കുപടിഞ്ഞാറൻ ഫ്ലോറിഡയിലാണ് സംഭവം. പ്രദേശവാസി ചിത്രീകരിച്ച മുതലയുടെ വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാണ്. വലിയ ശരീരമുള്ള ഒരു മുതല തലയുയർത്തി നടന്നു നീങ്ങുന്നതാണ് വീഡിയോയിൽ ദൃശ്യമാകുന്നത്. ‘ദിനോസർ മുതല’ എന്ന അടികുറിപ്പോടെ സമൂഹമാദ്ധ്യമങ്ങളിൽ വീഡിയോ വളരെയധികം ഷെയർ ചെയ്യപ്പെടുന്നുണ്ട്.
തെക്കുപടിഞ്ഞാറൻ ഫ്ലോറിഡയിലെ 46-ാം അവന്യൂവിനടുത്തുള്ള ജോസ് ക്രീക്കിലാണ് മുതലയെ കണ്ടെത്തിയത്. സ്കൂൾ വിദ്യാർത്ഥികൾ സഞ്ചരിക്കുന്ന പാത കൂടിയാണ് ഇത്. 12.5 അടി നീളമുണ്ട് ഇവിടെ നിന്നും കണ്ടെത്തിയ മുതലയ്‌ക്ക്. ഭീമാകാരനായ മുതലയെ പ്രദേശവാസികൾ കണ്ടതോടെ ഫ്ലോറിഡ ഫിഷ് ആൻഡ് വൈൽഡ് ലൈഫിനെ വിവരം അറിയിക്കുകയും ചെയ്തിരുന്നു. ശേഷം, ഉദ്യോഗസ്ഥരെത്തി മുതലയെ മറ്റൊരു സ്ഥലത്തേക്ക് സുരക്ഷിതമായി മാറ്റി താമസിപ്പിച്ചു.
View this post on Instagram
“>
അടുത്തിടെ പ്രദേശത്തെ ഒരു കർഷകനെ മുതല ആക്രമിച്ചിരുന്നു. ഭാഗ്യം കൊണ്ടാണ് ജീവൻ തിരികെ ലഭിച്ചതെന്ന് ദൃസാക്ഷികൾ പറയുന്നു. എന്നിരുന്നാലും മുതലയുടെ ആക്രമണത്തിൽ കർഷകന്റെ കാലിന് ഗുരുതരമായി പരിക്ക് ഏറ്റു. ഈ സംഭവത്തിന് പിന്നാലെയാണ് ഭീമൻ മുതലയെ പ്രദേശത്ത് കണ്ടെത്തിയത്.
