മുത്തച്ഛനെ മുറുകെ പിടിച്ച് കൊച്ചു മക്കൾ; കുടുംബത്തിനൊപ്പം വിജയം ആഘോഷിച്ച് നിതിൻ ഗഡ്കരി; വീഡിയോ 

ബിജെപിയുടെ ഏറ്റവും കരുത്തുറ്റ നേതാക്കളിൽ ഒരാളാണ് നിതിൻ ഗഡ്കരി.  നാഗ്പൂർ ലോക്സഭാ മണ്ഡലത്തിൽ നിന്ന് തുടർച്ചയായി മൂന്നാം തവണയും അദ്ദേഹം മിന്നും വിജയം സ്വന്തമാക്കി. കഴിഞ്ഞ കുറച്ചു നാളുകളായി മണ്ഡലം കേന്ദ്രീകരിച്ച് പ്രചാരണം നടത്തുകയായിരുന്നു നിതിൻ ഗഡ്കരി. അതിനാൽ തന്നെ കുടുംബമായി കൂടുതൽ സമയം ചെലവഴിക്കാൻ അദ്ദേഹത്തിന് സാധിച്ചിരുന്നില്ല. ഇപ്പോഴിതാ, നിതിൻ ഗഡ്കരി സാമൂഹമാധ്യമങ്ങളിൽ പങ്കുവെച്ച ഒരു വീഡിയോയാണ് ജനങ്ങളുടെ ഹൃദയം കവരുന്നത്. കൊച്ചുമക്കളെ നെഞ്ചോട് ചേർക്കുന്ന വീഡിയോയാണ് അദ്ദേഹം പങ്കുവെച്ചിരിക്കുന്നത്.

“അപ്രതീക്ഷിതമായ സന്തോഷം..പേരക്കുട്ടികളുടെ സന്ദർശനം എന്റെ ദിവസത്തെ പ്രകാശപൂരിതമാക്കി” എന്നാണ് വീഡിയോയ്‌ക്ക് നിതിൻ ഗഡ്കരി അടിക്കുറിപ്പ് നൽകിയിരിക്കുന്നത്. കാറിൽ നിന്നും തന്റെ മുത്തച്ഛനെ കാണാൻ ആവേശത്തോടെ ഇറങ്ങിയോടുന്ന കുട്ടികളെയാണ് വീഡിയോയിൽ കാണുന്നത്. നിതിൻ ഗഡ്കരിയുടെ അരികിലെത്തിയ കുട്ടികൾ അദ്ദേഹത്തെ കെട്ടിപ്പുണരുന്നു. കുട്ടികളുടെ സ്നേഹപ്രകടനത്തിനു മുന്നിൽ സന്തോഷത്തോടെ നിൽക്കുന്ന ഗഡ്കരിയേയും വീഡിയോയിൽ കാണാം.

📍New Delhi

Unexpected joy.. granddaughters’ visit brightened my day! pic.twitter.com/fxl1bgTwEq

— Nitin Gadkari (मोदी का परिवार) (@nitin_gadkari) June 8, 2024

“>

നാഗ്പൂർ ലോക്‌സഭാ സീറ്റിൽ നിന്ന് 1,37, 603 വോട്ടുകളുടെ ഭൂരിപക്ഷത്തിലാണ് നിതിൻ ഗഡ്കരി വിജയിച്ചത്. തെരഞ്ഞെടുപ്പിൽ വിജയിച്ചതിന് പിന്നാലെയാണ് കുടുംബവുമൊത്ത് അദ്ദേഹം സന്തോഷം പങ്കിട്ടത്. തന്നിൽ വിശ്വാസം അർപ്പിച്ച ജനങ്ങളോട് വിജയത്തിന് പിന്നാലെ നിതിൻ ഗഡ്കരി നന്ദിയും പറഞ്ഞിരുന്നു. നാഗ്പൂരിനെ രാജ്യത്തെ ഏറ്റവും മനോഹരവും വൃത്തിയുള്ളതും മലിനീകരണ രഹിതവുമായ നഗരമാക്കുക എന്നതാണ് തന്റെ ലക്ഷ്യമെന്ന് അദ്ദേഹം വ്യക്തമാക്കി.

धन्यवाद नागपुर!#PhirEkBaarModiSarkar#LokSabhaElections2024#GeneralElections2024 pic.twitter.com/h4vc6z4Gu0

— Nitin Gadkari (मोदी का परिवार) (@nitin_gadkari) June 4, 2024

“>