ന്യൂഡൽഹി ; ചരിത്രപ്രസിദ്ധമായ ഭോജ്ശാലയിൽ ആർക്കിയോളജിക്കൽ സർവേ ഓഫ് ഇന്ത്യ നടത്തിയ സർവ്വേയ്‌ക്കിടെ ശ്രീകൃഷ്ണ വിഗ്രഹം ലഭിച്ചതായി റിപ്പോർട്ട് . 91-ാം ദിവസം നടന്ന സർവ്വേയിലാണ് ശ്രീകൃഷ്ണ വിഗ്രഹം ഉൾപ്പെടെ മൂന്ന് പുരാതന അവശിഷ്ടങ്ങൾ കണ്ടെത്തിയത് . ശ്രീകൃഷ്ണന്റെ ഈ വിഗ്രഹത്തിന് ഏകദേശം ഒന്നര അടി ഉയരമുണ്ട്.
ഭോജ്ശാല സമുച്ചയത്തിന്റെ വടക്കുകിഴക്കൻ ഭാഗത്ത് മണ്ണ് നീക്കം ചെയ്യുന്നതിനിടെയാണ് കരിങ്കല്ലിൽ തീർത്ത വിഗ്രഹം ലഭിച്ചത് .ആധുനിക സജ്ജീകരണങ്ങൾ ഉപയോഗിച്ചും ശാസ്ത്രീയ രീതികൾ ഉപയോഗിച്ചുമാണ് സംഘം എഎസ്ഐ ഒമ്പത് മണിക്കൂറോളം സർവ്വേ നടത്തിയത്.ശ്രീകൃഷ്ണ വിഗ്രഹത്തിനൊപ്പം ലഭിച്ചത് ഒറ്റ കല്ലിൽ തീർത്ത രണ്ട് യക്ഷന്മാരുടെ രൂപങ്ങളും , സനാതന ധർമ്മത്തിന്റെ ചില ചിഹ്നങ്ങളുമാണ് .
കണ്ടെത്തിയ അവശിഷ്ടങ്ങളുടെ ഫോട്ടോഗ്രാഫിയും വീഡിയോഗ്രാഫിയും എഎസ്ഐ സംഘം നടത്തി. വടക്കേ ഭാഗത്ത് ലേബലിംഗ് നടത്തിയിട്ടുണ്ടെന്നും അവശിഷ്ടങ്ങൾ രേഖപ്പെടുത്തിയിട്ടുണ്ടെന്നും മുസ്ലീം കക്ഷി തലവൻ അബ്ദുൾ സമദും പറഞ്ഞു.
മധ്യപ്രദേശ് ഹൈക്കോടതിയുടെ ഇൻഡോർ ബെഞ്ചിന്റെ ഉത്തരവനുസരിച്ചാണ്, ചരിത്രപ്രസിദ്ധമായ ഭോജ്ശാലയിൽ ആർക്കിയോളജിക്കൽ സർവേ ഓഫ് ഇന്ത്യ സർവ്വേ നടത്തുന്നത് .
