ഇന്ത്യയുടെ സെമി വിജയം; വിവാദ പ്രസ്താവനയിൽ മൈക്കൽ വോണിന് മറുപടിയുമായി ഹർഭജൻ

ഇന്ത്യ സെമി ഫൈനൽ വിജയിച്ചതിന് പിന്നാലെ വിവാദ പ്രസ്താവന നടത്തിയ മുൻ ഇംഗ്ലണ്ട് നായകൻ മൈക്കൽ വോണിനെതിരെ ഹർഭജൻ സിംഗ്. ഗയാനയിലെ സ്റ്റേഡിയം ഇന്ത്യക്ക് അനുകൂലമായിരുന്നെന്നും അതാണ് മത്സരം ജയിക്കാൻ കാരണമെന്നുമാണ് മുൻ ഇംഗ്ലീഷ് താരം പറഞ്ഞത്.

” ഇന്ത്യക്ക് ഗയാനയിലെ സ്റ്റേഡിയം മികച്ചതായിരുന്നുവെന്ന് നിങ്ങൾ കരുതുന്നത് എന്തുകൊണ്ടാണ്. രണ്ട് ടീമുകളും ഒരേ വേദിയിലാണ് കളിച്ചത്. ടോസിലെ ഭാഗ്യം ഇംഗ്ലണ്ടിനായിരുന്നു. ഇന്ത്യയുടെ സെമി വിജയത്തെ നിങ്ങൾ നിസാരമായി കാണരുത്. ഇംഗ്ലണ്ടിനെതിരെ എല്ലാ മേഖലയിലും ആധിപത്യം സ്ഥാപിച്ചാണ് ഇന്ത്യ ജയിച്ചത്. ആ യാഥാർത്ഥ്യം ഉൾക്കൊണ്ട് മുന്നോട്ട് പോകാനാണ് നിങ്ങൾ ശ്രമിക്കേണ്ടത്. അസംബന്ധമല്ലാതെ യുക്തിയോടെ കാര്യങ്ങൾ പറയാൻ ശ്രമിക്കുക. ” ഹർഭജൻ പറഞ്ഞു.

What makes u think Guyana was a good venue for India ? Both Teams played on the same venue . England won the toss that was an advantage . Stop being silly . England was outplayed by India in all departments. Accept the fact and Move on and keep ur rubbish with urself. Talk logic… https://t.co/2osEFYJeFC

— Harbhajan Turbanator (@harbhajan_singh) June 27, 2024

“>

ദക്ഷിണാഫ്രിക്കയെ തോൽപ്പിച്ചിരുന്നെങ്കിൽ ഇംഗ്ലണ്ടിന് ട്രിനിഡാഡ് സെമി ഫൈനൽ വേദിയായി ലഭിക്കുമായിരുന്നു. എങ്കിൽ അവർ ജയിച്ചേനെ. മത്സരത്തിൽ അവർ മികച്ച പ്രകടനം കാഴ്ചവച്ചില്ലെന്ന പരാതി എനിക്കില്ല. പക്ഷേ ഗയാനയിലെ സ്‌റ്റേഡിയം ഇന്ത്യക്ക് മികച്ച വേദിയാണെന്നാണ് വോൺ പറഞ്ഞത്. ഇംഗ്ലണ്ടിനെതിരെ 68 റൺസിനായിരുന്നു ഇന്ത്യയുടെ ജയം.