ടി20 ലോകകപ്പ് ഇലവനെ തിരഞ്ഞെടുത്ത് അന്താരാഷ്ട്ര ക്രിക്കറ്റ് കൗൺസിൽ. ടൂർണമെന്റിലെ പ്രകടനത്തിന്റെ അടിസ്ഥാനത്തിലാണ് ടീമിനെ തിരഞ്ഞെടുത്തത്. ലോകജേതാക്കളായ ഇന്ത്യൻ ടീമിലെ 6 താരങ്ങളും ഇലവനിൽ ഉൾപ്പെട്ടിട്ടുണ്ട്. നായകൻ രോഹിത് ശർമ്മ, സൂര്യകുമാർ യാദവ്, ഹാർദിക് പാണ്ഡ്യ, അക്സർ പട്ടേൽ, ജസ്പ്രീത് ബുമ്ര, അർഷ്ദീപ് സിംഗ് എന്നിവരാണ് ടീമിലെത്തിയ ഇന്ത്യൻ താരങ്ങൾ. ഐസിസിയുടെ പ്ലേയിംഗ് ഇലവനിലും രോഹിതാണ് നായകൻ.
അഫ്ഗാനിസ്ഥാനിൽ നിന്ന് റഹ്മാനുള്ള ഗുർബാസ്, റാഷിദ് ഖാൻ, ഫസൽ ഫറൂഖി എന്നിവരാണ് ടീമിൽ ഇടംപിടിച്ചത്. വെസ്റ്റിൻഡീസിന്റെ നിക്കോളാസ് പൂരാൻ, ഓസ്ട്രേലിയയുടെ ഓൾറൗണ്ടർ മാർക്കസ് സ്റ്റോയിനിസ് എന്നിവരും ടീമിലുണ്ട്.
ടൂർണമെന്റിലെ റണ്ണേഴ്സ്പ്പുകളായ ദക്ഷിണാഫ്രിക്കൻ നിരയിൽ നിന്ന് ഒരാൾ പോലും ഐസിസി ലോകകപ്പ് ഇലവനിൽ ഇല്ല. 12-ാം താരമായാണ് പ്രോട്ടീസ് പേസർ ആന്റിച് നോർക്യയെ ഉൾപ്പെടുത്തിരിക്കുന്നത്. ഫൈനലിൽ പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ട സൂപ്പർ താരം വിരാട് കോലിയും ഐസിസി ടീമിലില്ല.
ഐസിസി ടീം:
രോഹിത് ശർമ്മ, സൂര്യകുമാർ യാദവ്, ഹർദിക് പാണ്ഡ്യ, അക്സർ പട്ടേൽ, ജസ്പ്രീത് ബുമ്ര, അർഷ്ദീപ് സിംഗ്, റഹ്മാനുല്ല ഗുർബാസ്, റാഷിദ് ഖാൻ, ഫസൽ ഫറൂഖി, മാർക്കസ് സ്റ്റോയിനിസ്, നിക്കോളാസ് പൂരാൻ, ആന്റിച് നോർക്യ.
