സോഷ്യല്‍ മീഡിയയില്‍ അധികം സജീവമല്ലാത്ത താരപുത്രിയാണ് മീനാക്ഷി ദിലീപ്. വളരെ അപൂർവ്വമായാണ് മീനാക്ഷി പോസ്റ്റ് പങ്കുവെക്കുന്നത്. എന്നാൽ ആ പോസ്റ്റുകളെല്ലാം വൈറലാകുകയും ചെയ്യും. കിടിലൻ നൃത്ത ചുവടുകളുള്ള ഇൻസ്റ്റഗ്രാം പോസ്റ്റാണ് വൈറലാകുന്നത്. ഷാരൂഖ് ഖാന്റെ ചിത്രമായ ചെന്നൈ എക്‌സ്പ്രസിലെ ‘തിത്‌ലി’ എന്ന ഗാനത്തിനാണ് മിനാക്ഷി നൃത്തം ചെയ്തത്.
ചുവപ്പ് നിറത്തിലുള്ള കലംകാരി കുര്‍ത്തയും കറുപ്പ് ലെഗ്ഗിങ്‌സുമായിരുന്നു മീനാക്ഷിയുടെ വേഷം. ടെറസിൽ വെച്ചാണ് വീഡിയോ ചിത്രീകരിച്ചിരിക്കുന്നത്. തനിച്ചായിരുന്നു ഇത്തവണത്തെ നൃത്തം. എങ്ങനെ കുറയാനാ ആ അമ്മയുടെ മോളല്ലേ, എന്ത് മെയ്യ് വഴക്കം, എപ്പോഴാണ് അരങ്ങേറ്റം കുറിക്കുക തുടങ്ങിയ കമന്റുകളൊടെയാണ് ആരാധകർ വീഡിയോ സ്വീകരിച്ചിരിക്കുന്നത്.
View this post on Instagram
മുമ്പും ഡാൻഡ് വീഡിയോകൾ മീനാക്ഷി ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. സംവിധായകന്‍ അല്‍ഫോണ്‍സ് പുത്രന്റെ ഭാര്യ അലീനയ്‌ക്കൊപ്പമുള്ള വീഡിയോ ശ്രദ്ധ നേടിയിരുന്നു. ഒപ്പം നടി നമിത പ്രമോദിനൊപ്പം ചെയ്ത മീനാക്ഷിയുടെ നൃത്തവും ആരാധക പ്രശംസ പിടിച്ചുപറ്റി.
