ബജറ്റ് മധുരം റെഡി; പാർലമെന്റിൽ ഹൽവ തയ്യാർ, പങ്കുവച്ച് നിർമലാ സീതാരാമൻ 

ഹൽവയ്‌ക്ക് എന്താ ബജറ്റിനിടെ കാര്യം? കേന്ദ്ര ബജറ്റ് അവതരണത്തിന് മുന്നോടിയായുള്ള ‘ഹൽവ സെറിമണി‘ കണ്ട് ചിലർക്കെങ്കിലും തോന്നുന്ന സംശയമാണിത്.

ബജറ്റ് തയ്യാറാക്കൽ പ്രക്രിയയുടെ അന്തിമ ഘട്ടത്തിലാണ് പാർലമെന്റിലെ നോർത്ത് ബ്ലോക്കിൽ ഹൽവ സെറിമണി നടക്കുക. ബജറ്റ് ‘ലോക്ക്-ഇൻ’ പ്രക്രിയക്ക് തൊട്ടുമുൻപാണ് ഹൽവ നിർമ്മാണം. (ബജറ്റിന്റെ രഹസ്യസ്വഭാവം കാത്തുസൂക്ഷിക്കാനും പാർലമെന്റിൽ അവതരിപ്പിക്കുന്നതിന് മുമ്പ് ചോർച്ച തടയാനുമാണ് ലോക്ക്-ഇൻ പ്രക്രിയ.) നോർത്ത് ബ്ലോക്കിൽ എല്ലാവരും കൂടിച്ചേർന്ന് വലിയൊരു കടായിയിൽ ഇന്ത്യയുടെ തനത് മധുരപലഹാരമായ ഹൽവ തയ്യാറാക്കും. ചടങ്ങിന്റെ ഭാ​ഗമായി ധനമന്ത്രി ഹൽവ ഇളക്കിച്ചേർത്ത് എല്ലാവർക്കും വിതരണം ചെയ്യും. ബജറ്റ് പ്രക്രിയയുടെ ഭാ​ഗമായ ഓരോരുത്തരും മധുരം കൈപ്പറ്റും.

The Halwa ceremony was also attended by MoS Finance Shri @mppchaudhary along with Secretaries of @FinMinIndia, Chairmen @IncomeTaxIndia & @cbic_india, besides officials of @FinMinIndia & North Block Budget Press. The Union Budget 2024-25 will be presented on 23rd July, 2024.(2/4) pic.twitter.com/Nng6bGNrBU

— Ministry of Finance (@FinMinIndia) July 16, 2024

മൂന്നാം മോദി സർക്കാർ അധികാരത്തിൽ വന്നതിന് ശേഷമുള്ള ആദ്യ ബജറ്റിനൊരുങ്ങുകയാണ് നിലവിൽ പാർലമെന്റ്. സുപ്രധാന പ്രഖ്യാപനങ്ങൾക്ക് രാജ്യം കാതോർക്കുമ്പോൾ അണിയറയിൽ ഹൽവ പാചകവും പൊടിപൊടിക്കുകയാണ്. പതിവ് തെറ്റിക്കാതെ കേന്ദ്ര ധനമന്ത്രി നിർമലാ സീതാരാമൻ ഹൽവാ സെറിമണിക്ക് നേതൃത്വം നൽകി. സഹമന്ത്രി പങ്കജ് ചൗധരി, മറ്റ് സെക്രട്ടറിമാർ എന്നിവരും, ബജറ്റ് തയ്യാറാക്കാൻ ഒപ്പം കൂടിയ മറ്റ് ഉദ്യോ​ഗസ്ഥരും ജീവനക്കാരുമെല്ലാം പരമ്പരാ​ഗത ചടങ്ങായ ഹൽവാ സെറിമണിയിൽ പങ്കെടുത്തു.

The Union Finance Minister also distributed halwa to members of Budget Press along with other staff of the @FinMinIndia present on the occasion. (4/4) pic.twitter.com/yOc7D6KVrG

— Ministry of Finance (@FinMinIndia) July 16, 2024

ബജറ്റ് അവതരിപ്പിച്ചതിന് ശേഷം മാത്രമേ ബജറ്റ് തയ്യാറാക്കിയ ഉദ്യോ​ഗസ്ഥർക്ക് പാർലമെന്റിന് പുറത്തുപോകാൻ സാധിക്കൂ എന്നതിനാൽ ദിവസങ്ങളോളം പ്രക്രിയയുടെ ഭാ​ഗമായ ധനമന്ത്രാലയത്തിലെ ഓരോ ഉദ്യോ​ഗസ്ഥരുടെയും കഠിനാധ്വാനത്തെയാണ് ഹൽവ സെറിമണിയിലൂടെ അം​ഗീകരിക്കുന്നത്. 2024-25ലെ ബജറ്റ് അവതരണം ജൂലൈ 22നാണ് ആരംഭിക്കുക. ഓ​ഗസ്റ്റ് 12ന് അവസാനിക്കും. തന്റെ ആറാമത്തെ ബജറ്റ് അവതരണത്തിനാണ് നിർമലാ സീതാരാമൻ തയ്യാറെടുക്കുന്നത്.