ഇത് രാ​ഹുൽ ബുമ്ര! ​ഗ്രൗണ്ട് സ്റ്റാഫിനൊപ്പം ക്രിക്കറ്റ് കളിച്ച് ദ്രാവിഡ്; ഹൃദ്യം ഈ വീഡിയോ

മുൻ ഇന്ത്യൻ താരവും പരിശീകനുമായ രാഹുൽ ദ്രാവിഡിന്റെ ഒരു വീഡ‍ിയോയാണ് സോഷ്യൽ മീഡിയയുടെ ശ്രദ്ധയാകർഷിക്കുന്നത്. ബെംഗളൂരുവിലെ ദേശീയ ക്രിക്കറ്റ് അക്കാഡമിയിലെ ​ഗ്രൗണ്ട് സ്റ്റാഫിനൊപ്പം ഇന്ത്യയുടെ വന്മതിൽ ക്രിക്കറ്റ് കളിക്കുന്നതാണ് വീ‍ഡിയോ. നേരത്തെ ക്രിക്കറ്റ് അക്കാഡമിയുടെ തലവനായിരുന്നു ദ്രാവിഡ്.

ഇന്ത്യൻ പരിശീലകനായിരുന്നു ദ്രാവിഡ‍് ടി20 ലോകകപ്പ് വിജയത്തോടെയാണ് പടിയിറങ്ങിയത്. ഫൈനലിൽ ദക്ഷിണാഫ്രിക്കയെ തകർത്താണ് ഇന്ത്യൻ രണ്ടാം കിരീടം സ്വന്തമാക്കിയത്. രാഹുലിന് പകരം ​ഗൗതം ​ഗംഭീറാണ് ഇന്ത്യൻ പരിശീലകനായി സ്ഥാനമേറ്റത്.

പരിശീലക സ്ഥാനം ഒഴിഞ്ഞതിന് ശേഷം നിരവധി ചടങ്ങുകളിൽ മുഥ്യാതിഥിയായും താരം പങ്കെടുത്തിരുന്നു. തമിഴ്നാ‌ട് പ്രീമിയർ ലീ​ഗിലും ഒളിമ്പിക്സിലുമടക്കം താരമെത്തിയിരുന്നു. ​ഗ്രൗണ്ട് സ്റ്റാഫിന് പന്തെറിയുന്ന വീഡിയോയാണ് വൈറലായത്. 2021ൽ സ്ഥാനമൊഴിഞ്ഞ രവി ശാസ്ത്രിക്ക് പകരമാണ് ദ്രാവിഡ് ഇന്ത്യൻ പരിശീലകനായത്.

Rahul Dravid playing cricket with the Ground Staffs of NCA. 🌟 pic.twitter.com/y2tXJKGNbW

— Johns. (@CricCrazyJohns) August 11, 2024