ലിസ്റ്റിൻ സ്റ്റീഫൻ നിർമിക്കുന്ന ചിത്രത്തിലേക്ക് അഭിനേത്രികളെ തേടുന്നു. ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നതിന് വേണ്ടിയാണ് അഭിനേത്രികളെ തേടുന്നത്. താരത്തെ തേടികൊണ്ടുള്ള കാസ്റ്റിംഗ് കോൾ പോസ്റ്റർ അണിയറ പ്രവർത്തകർ പങ്കുവച്ചിട്ടുണ്ട്.
മാലിക് ഫ്രെയിംസിന്റെ ബാനറിൽ, ലിസ്റ്റിൻ സ്റ്റീഫൻ നിർമിക്കുന്ന പുതിയ ചിത്രത്തിലേക്ക് അഭിനയപാടവമുള്ള ഒരു കെമിസ്ട്രി ടീച്ചറെ അന്വേഷിക്കുന്നുവെന്നാണ് പോസ്റ്ററിലുള്ളത്. രണ്ട് മിനിറ്റിൽ കവിയാത്ത സെൽഫ് ഇൻട്രൊഡക്ഷൻ വീഡിയോയും ഫോട്ടോയും പോസ്റ്ററിലുള്ള നമ്പറിൽ അയച്ചു നൽകണം.
വീഡിയോയിൽ ഗ്ലൂക്കോസിന്റെ രാസനാമം പറയാൻ കഴിയുന്നവർക്ക് മുൻഗണന എന്നും പോസ്റ്ററിൽ പറയുന്നുണ്ട്. 8136932812 എന്ന വാട്സ്ആപ്പ് നമ്പറിലോ [email protected] എന്ന മെയിൽ ഐഡിയിലോ വിവരങ്ങൾ അയക്കാം.
