യുവതാരം ആന്റണി വർഗീസ് നായകനായെത്തുന്ന ചിത്രം കൊണ്ടലിന്റെ ടീസർ പുറത്തിറങ്ങി. അജിത് മാമ്പള്ളി സംവിധാനം ചെയ്യുന്ന ചിത്രത്തിൽ കന്നട താരം രാജ് ബി ഷെട്ടിയും അഭിനയിക്കുന്നുണ്ട്. കടലിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. ആർഡിഎക്സ് എന്ന ഹിറ്റ് ചിത്രത്തിന് ശേഷം വീക്കെൻഡ് ബ്ലോക്ക്ബസ്റ്റേഴ്സാണ് ചിത്രം നിർമിക്കുന്നത്.
നന്ദു, മണിക്ഠണൻ ആചാരി, പ്രമോദ് വലിയനാട്, ശരത്, അഭിറാം രാധാകൃഷ്ണൻ, പിഎൻ സണ്ണി, നെബിഷ് ബെൻസൺ, ആഷ്ളി, രാഹുൽ രാജഗോപാൽ എന്നിവരും ചിത്രത്തിൽ പ്രധാന വേഷത്തിലെത്തുന്നുണ്ട്. റോയ്ലിൻ റോബർട്ട്, സതീഷ് തോന്നക്കൽ, അജിത് മാമ്പള്ളി എന്നിവരാണ് തിരക്കഥ ഒരുക്കിയിരിക്കുന്നത്.
മത്സ്യത്തൊഴിലാളികളുടെ ജീവിതവും കടൽ സംഘർഷവുമാണ് ചിത്രം പറയുന്നത്. അങ്കമാലി ഡയറീസ്, ചാവേർ, ആർഡിഎക്സ് എന്നീ ചിത്രങ്ങളിലൂടെയാണ് ആന്റണി വർഗീസ് മലയാള സിനിമാ ലോകത്ത് ശ്രദ്ധനേടിയത്.
