മലയാളം ഉൾപ്പടെയുള്ള പ്രാദേശിക ഭാഷകളിലും ഇനി മുതൽ എംബിബിഎസ് പഠിപ്പിക്കാം. പുതിയ അദ്ധ്യയന വർഷം മുതൽ ഈ രീതിയിൽ പഠിപ്പിക്കാനുള്ള അനുമതി ദേശീയ മെഡിക്കൽ കമ്മീഷൻ (എൻഎംസി) നൽകി.
അദ്ധ്യാപനം, പഠനം, മൂല്യനിർണയം എന്നിവ ഇംഗ്ലീഷിനൊപ്പം മലയാളത്തിലുമാകാം. മലയാളം, ഹിന്ദി, അസാമീസ്,ബംഗ്ല, ഗുജറാത്തി, കന്നഡ, മറാഠി, ഒഡിയ, പഞ്ചാബി, തമിഴ്, തെലുങ്ക് എന്നീ ഭാഷകളിലാണ് ഇതിനുള്ള അനുമതി നൽകിയിരിക്കുന്നത്.
ഹിന്ദിയിലുള്ള എംബിബിഎസ് കോഴ്സ് മധ്യപ്രദേശ്, ഉത്തർ പ്രദേശ് സംസ്ഥാനങ്ങളിൽ കഴിഞ്ഞ വർഷം മുതൽ അവതരിപ്പിച്ചിരുന്നു. പ്രാദേശിക ഭാഷകളിൽ പഠനം ലഭ്യമാക്കുന്നത് വിദ്യർത്ഥികൾക്ക് നേട്ടമാകുന്നുവെന്ന വിലയിരുത്തലിന്റെ അടിസ്ഥാനത്തിലാണ് എൻഎംസിയുടെ നയമാറ്റം.
