അവസരങ്ങൾ തുലയ്‌ക്കാൻ മത്സരിച്ചു! സമനിലയുമായി രക്ഷപ്പെട്ട് ബ്ലാസ്റ്റേഴ്സ്‌

സീസണിലെ രണ്ടാം മത്സരത്തിൽ നോർത്ത് ഈസ്റ്റിനെതിരെ സമനിലയിൽ പിരിഞ്ഞ് കേരള ബ്ലാസ്റ്റേഴ്സ്. സുവർണാവസരങ്ങൾ പാഴാക്കിയാണ് അർഹിച്ച വിജയം സമനിലയിൽ തളച്ചിട്ടത്. നോഹ സദൂയിയാണ് 67-ാം മിനിട്ടിൽ ബ്ലാസ്റ്റേഴ്സിനെ രക്ഷിച്ചത്. 58-ാം മിനിട്ടിൽ അജാരെയാണ് നോർത്ത് ഈസ്റ്റിന് ലീഡ് നൽകിയത്. ബ്ലാസ്റ്റേഴ്സ് ​ഗോളി സച്ചിൻ സുരേഷിന്റെ പിഴവിലായിരുന്നു ഇത്.

ബുള്ളറ്റ് ഫ്രീകിക്ക് സച്ചിന്റെ കൈയിൽ നിന്ന് വഴുതി കാലിനിടയിലൂടെ ​ഗോൾ ലൈൻ കടക്കുകയായിരുന്നു. നോർത്ത് ഈസ്റ്റിന്റെ തുടരെയുള്ള ആക്രമണങ്ങളിൽ വിറയ്‌ക്കുന്ന ബ്ലാസ്റ്റേഴ്സിനെയാണ് ആദ്യ പകുതിയിൽ കണ്ടത്. പതിയെ മത്സരത്തിലേക്ക് തിരിച്ചുവന്നുവെങ്കിലും കൊമ്പന്മാർക്കും നോർത്ത് ഈസ്റ്റിനും ​ആദ്യപകുതിയിൽ ​ഗോൾ കണ്ടെത്താനായില്ല. നോർത്ത് ഈസ്റ്റിന്റെ മലയാളി താരം എം.എസ് ജിതിനാണ് കെമ്പാന്മാരുടെ ഡിഫെൻസിന് ഏറ്റവും വെല്ലുവിളിയുയർത്തിയത്.

നോഹ സദൂയിയുടെ നീക്കങ്ങളാണ് ബ്ലാസ്റ്റേഴ്സിന് കരുത്തായത്. ആദ്യ ​ഗോൾ വീണതോടെ ഉണർന്നു കളിച്ച ബ്ലാസ്റ്റേഴ്സിന് ആശ്വാസ ​ഗോൾ സമ്മാനിച്ചത് നോഹയായിരുന്നു. 66-ാം മിനിട്ടിൽ  ബോക്സിനു പുറത്തുനിന്ന് അദ്ദേഹം ഉതിർത്ത വെടിയുണ്ട പ്രതിരോധ താരങ്ങളെയും കീറിമുറിച്ച് നോർത്ത് ഈസ്റ്റ് ​ഗോൾവല തുളയ്‌ക്കുകയായിരുന്നു.പിന്നീട് ​ഗില്ലർമോയുടെ ഹെഡ്ഡ‍ർ ​ഗോളായെങ്കിലും ഓഫ് സൈഡ് വിളിച്ചത് ബ്ലാസ്റ്റേഴ്സിന് ആശ്വാസമായി. 81ാം മിനിട്ടിൽ അഷീർ അക്തർ ചുവപ്പ് കാർഡ് കണ്ടു പുറത്തായിട്ടും നോർത്ത് ഈസ്റ്റിന് കൊമ്പന്മാരെ തളയ്‌ക്കാനായി. അവസാന മിനിട്ടിലും ബ്ലാസ്റ്റേഴ്സ് താരങ്ങൾ അവസരങ്ങൾ തുലച്ചില്ലായിരുന്നുവെങ്കിൽ മത്സര ഫലം മറ്റൊന്നായേനെ.

.@NoahWail to the rescue as he earned his side a valuable point! 👊#NEUKBFC #ISL #LetsFootball #ISLonJioCinema #ISLonSports18 #KeralaBlasters #NoahSadaoui #ISLPOTM | @JioCinema @Sports18 @KeralaBlasters pic.twitter.com/LiTYKod4iu

— Indian Super League (@IndSuperLeague) September 29, 2024