ന്യൂഡൽഹി: നവരാത്രി ആരംഭത്തിൽ രാജ്യത്തെ എല്ലാ ജനങ്ങൾക്കും ആശംസകൾ നേർന്ന് പ്രധാനമന്ത്രി നരേന്ദ്രമോദി. നവരാത്രി ഉത്സവം മംഗളകരമായി ആഘോഷിക്കാൻ എല്ലാ സഹോദരി- സഹോദരന്മാർക്കും സാധിക്കട്ടെയെന്നും പ്രധാനമന്ത്രി പറഞ്ഞു. സമൂഹ മാദ്ധ്യമമായ എക്‌സിലൂടെയായിരുന്നു പ്രധാനമന്ത്രി ആശംസകൾ പങ്കുവച്ചത്.
” രാജ്യത്തിലെ എല്ലാ ജനങ്ങൾക്കും നവരാത്രി ആശംസകൾ നേരുന്നു. ശക്തിവന്ദനത്തിനായി സമർപ്പിക്കപ്പെട്ട ഈ ദിവസം എല്ലാവർക്കും ഐശ്വര്യപ്രദമാകട്ടെ.”- പ്രധാനമന്ത്രി കുറിച്ചു. നവരാത്രി ആരംഭമായ ഇന്ന്, ശൈലപുത്രിയെ ഞാൻ പ്രാർത്ഥിക്കുന്നു. ഭാരതത്തിലെ എല്ലാ ജനങ്ങൾക്കും വേണ്ടിയാണ് പ്രാർത്ഥന. എല്ലാവർക്കും ദേവിയുടെ അനുഗ്രഹം ലഭിക്കട്ടെയെന്നും പ്രധാനമന്ത്രി പറഞ്ഞു.
നേരത്തെ, കേന്ദ്ര ആഭ്യന്തര മന്ത്രി അമിത് ഷാ, ഉത്തർപ്രദേശ് മുഖ്യമന്ത്രി യോഗി ആദിത്യനാഥ് തുടങ്ങിയവരും നവരാത്രി ആശംസകളൾ നേർന്നിരുന്നു. ഐശ്വര്യത്തിന്റെ ഉത്സവമായ നവരാത്രി കൊണ്ടാടുന്ന ഓരോ ഭാരതീയനും സന്തോഷവും, സമൃദ്ധിയും, സമാധാനവും ലഭിക്കട്ടെയെന്ന് ഇരുനേതാക്കളും എക്‌സിൽ കുറിച്ചു.
