തൃശൂർ: ഗുരുവായൂരപ്പന് 25 പവന്റെ പൊന്നിൻ കീരിടം വഴിപാടായി നൽകി പ്രവാസി. കോട്ടയം ചങ്ങനാശേരി കോട്ടമുറി ദ്വാരകയിൽ രതീഷ് മോഹനാണ് കീരിടം ക്ഷേത്രത്തിന് സമർപ്പിച്ചത്.
200.53 ഗ്രാം തൂക്കമുള്ള കിരീടം ദുബായിലാണ് നിർമ്മിച്ചത്. ഇന്നലെ പന്തീരടി പൂജയ്‌ക്കും ഉച്ചപൂജയ്‌ക്കും ഗുരുവായൂരപ്പന് പൊന്നിൻ കിരീടം ചാർത്തി. രതീഷ് മോഹന് ദേവസ്വം തിരുമുടി മാല, കളഭം, പഴം, പഞ്ചസാര എന്നിവ അടങ്ങിയ ഗുരുവായൂരപ്പന്റെ വിശിഷ്ട പ്രസാദങ്ങൾ നൽകി.
ക്ഷേത്രം ഊരാളനും ദേവസ്വം ഭരണ സമിതി അംഗവുമായ മല്ലിശ്ശേരി പരമേശ്വരൻ നമ്പൂതിരിപ്പാടാണ് കിരീടം ഏറ്റുവാങ്ങിയത്. കഴിഞ്ഞ വർഷം രതീഷ് കണ്ണന് പൊന്നോടക്കുഴൽ സമർപ്പിച്ചിരുന്നു.
