പാലക്കാട് ഉപതെരഞ്ഞെടുപ്പ് വിഷയത്തിൽ നിലപാട് വ്യക്തമാക്കി പാലക്കാട്ടെ പ്രബലസമുദായമായ മൂത്താൻ സമുദായം. ദേശീയതയ്ക്കും ബിജെപിക്ക് ഒപ്പമാണ് എപ്പോഴുമെന്ന് സമുദായത്തിന്റെ ഭാരവാഹികൾ പറഞ്ഞു. ഇടത് വലതു മുന്നണികളും ചില മാദ്ധ്യമങ്ങളും സമൂഹത്ത് തെറ്റിദ്ധാരണ പരത്തുകയാണെന്നും സമുദായ ഭാരവാഹികൾ വ്യക്തമാക്കി.
ആർഎസ്എസ് ആശയത്തിൽ അടിയുറച്ച് വിശ്വസിക്കുന്നവരാണ് സമുദായ അംഗങ്ങൾ.1956 മുതൽ സമുദായം ബിജെപിക്കൊപ്പമാണ്. 56ലെ സമുദായ അംഗമാണ് സൗത്ത് ഇന്ത്യയിലെ ആദ്യത്തെ ജനസംഘം കൗൺസിലർ. പാലക്കാട്ടെ ബിജെപി സ്ഥാനാർത്ഥിയായ സി.കൃഷ്ണകുമാർ വിജയിക്കണമെന്നതാണ് ആഗ്രഹമെന്ന് സമുദായ പ്രതിനിധികൾ വ്യക്തമാക്കി.
പച്ചക്കറി മാർക്കറ്റ് മാറ്റിയ സംഭവത്തിൽ സമുദായത്തിന് ബന്ധമില്ല. അത് വ്യാപാരികളുടെ തീരുമാനമാണ്. ചെയർപേഴ്സൺ സ്ഥാനത്ത് പ്രിയ അജയൻ രാജിവെച്ചത് വ്യക്തിപരമായ കാര്യങ്ങളാലാണ്. പക്ഷെ ഇക്കാര്യങ്ങളിൽ സമുദായത്തെ ബന്ധിപ്പിച്ച് ചില മാദ്ധ്യമങ്ങളും ഇടത് വലതു മുന്നണികളും വ്യാജപ്രചരണം നടത്തുകയാണെന്നും സമുദായ അംഗങ്ങൾ വ്യക്തമാക്കി. പാലക്കാട് ഇത്തവണ ബിജെപി വിജയിക്കുമെന്നും എൻഡിഎ സ്ഥാനാർത്ഥി സി.കൃഷ്ണ കുമാറിന് പൂർണ്ണ പിന്തുണ നൽകുന്നുവെന്നും സമുദായ ഭാരവാഹികൾ കൂട്ടിച്ചേർത്തു.
