കണ്ണൂർ: എഡിഎം നവീൻ ബാബുവിന്റെ മരണത്തിൽ ആത്മഹത്യാ പ്രേരണക്കുറ്റം ചുമത്തപ്പെട്ട സിപിഎം നേതാവ് പി.പി ദിവ്യയെ അറസ്റ്റ് ചെയ്യാത്തതിനെതിരെ യുവമോർച്ചയുടെ പ്രതിഷേധം. പിപി ദിവ്യയുടെ പ്രതീകാത്മക അറസ്റ്റ് നടത്തിയായിരുന്നു പ്രവർത്തകർ പ്രതിഷേധിച്ചത്. ബിജെപി ജില്ലാ പ്രസിഡന്റ് എൻ ഹരിദാസ് പ്രതിഷേധം ഉദ്ഘാടനം ചെയ്തു.
പരാതിക്കാരനായ പ്രശാന്തൻ സിപിഎം സംസ്ഥാന കമ്മിറ്റി ഓഫീസ് സെക്രട്ടറി ബിജു കണ്ടക്കൈയുടെ ബന്ധുവാണെന്നും അതുകൊണ്ടാണ് നടപടി വൈകുന്നതെന്നും അദ്ദേഹം ആരോപിച്ചു. ദിവ്യയെ ഒളിവിൽ കഴിയാൻ സഹായിക്കുന്നത് കണ്ണൂരിലെ സിപിഎം നേതാക്കളാണെന്നും അദ്ദേഹം പറഞ്ഞു. കണ്ണൂർ ടൗൺ പോലീസ് സ്റ്റേഷൻ മുന്നിൽ ദിവ്യയെ പ്രതീകാത്മകമായി ചങ്ങലക്കിട്ട് പിടിച്ചു കൊണ്ടായിരുന്നു പ്രതിഷേധം.
ദിവ്യയുടെ അറസ്റ്റ് പോലീസ് മനപ്പൂർവ്വം വൈകിപ്പിക്കുകയാണെന്ന് ആരോപിച്ചായിരുന്നു യുവമോർച്ചയുടെ പ്രതിഷേധം.
