ഡെറാഡൂൺ അപകടത്തിന് തൊട്ടുമുൻപുള്ള ദൃശ്യങ്ങൾ ; കാറുമായി പാഞ്ഞത് മദ്യപിച്ച് ലക്കുകെട്ട സംഘം; പൊലിഞ്ഞത് ആറു ജീവൻ

ഡെറാഡൂൺ അപകടത്തിന് തൊട്ടു മുൻപുള്ള കൂടുതൽ ദൃശ്യങ്ങൾ സോഷ്യൽ മീഡിയയിൽ പുറത്തുവന്നു. യുവതികളടക്കമുള്ള സംഘം ഒരു പാർട്ടിയിൽ മദ്യപിച്ച് ലക്കുകെട്ട ശേഷമാണ് കാറിൽ പാഞ്ഞത്. കൈയിൽ ​ഗ്ലാസും മദ്യവുമായി ഇവർ ഡാൻസ് കളിക്കുന്നതും കുടിക്കുന്നതുമായ വീഡിയോയാണ് പുറത്തുവന്നത്. ഇത് അപകടത്തിന് മുൻപുള്ള പാർട്ടിയിൽ നിന്ന് പകർത്തിയതാണെന്നാണ് റിപ്പോർട്ടുകൾ.

നവംബർ 12ന് ഒൻജിസി ചൗക്കിൽ പുലർച്ചെ 1.30 നായിരുന്നു അപകടം. 100 കിലോ മീറ്റർ വേ​ഗതയിലെത്തിയ കാർ ട്രക്കുമായി കൂട്ടിയിടിക്കുകയായിരുന്നു. മൂന്ന് യുവതികൾ ഉൾപ്പെടെ ആറ് പേരാണ് മരിച്ചത്. ഡെറാഡൂൺ സ്വദേശികളായ ​ഗുനീത് സിം​ഗ് (19), കാമാക്ഷി സിം​ഗൽ (20), നവ്യാ ​ഗോയൽ (23), റിഷബ് ജെയ്ൻ (24), അതുൽ അ​ഗർവാൾ (24), ഹിമാചലിലെ ചമ്പ സ്വദേശിയായ ​ഖുണാൾ കുക്കുറേജ (23) എന്നിവരാണ് തത്ക്ഷണം മരിച്ചത്. സുനിൽ അ​ഗർവാളിൻ്റേ പേരിലാണ് ഇന്നോവ രജിസ്റ്റർ ചെയ്തിരിക്കുന്നത്. അടുത്തിടെയാണ് പടക്ക ബിസിനസുകാരനായ ഇയാൾ വാഹനം സ്വന്തമാക്കിയത്.

അപകടത്തിൽ ​ഗുരുതരമായി പരിക്കേറ്റ ഡ്രൈവർ സിദ്ധേശ് അ​ഗർവാൾ (25) ആശുപത്രിയിൽ ചികിത്സയിലാണ്. അപകടത്തിന്റെ സിസിടിവി ദൃശ്യങ്ങളും ദൃക്സാക്ഷികളുടെ മൊഴികളും പൊലീസ് ശേഖരിച്ചിരുന്നു. ഒരു ആഢംബര കാറുമായി മത്സരയോട്ടം നടത്തുന്നതിനിടെയാണ് ദാരുണാപകടം സംഭവിക്കുന്നത്. റോഡ് മുറിച്ച് കടന്ന ട്രക്കിലേക്കാണ് കാർ പാഞ്ഞുകയറിയത്.

#देहरादून मे 2 दिन पहले हुए हादसे मे 6 युवक-युवतियो की मौत हो गई थी..अब उसी दिन युवक-युवतियो की शराब पार्टी का वीडियो सोशल मीडिया पर वायरल हो रहा है..जिसमें देखा जा सकता है किस तरह नशे में धूत है..#viralvideo #Uttarakhand pic.twitter.com/iatEWDlEI9

— Vinit Tyagi(Journalist) (@tyagivinit7) November 14, 2024