ശബരിമല: തമിഴ്നാട്ടിലെ തിരുട്ട് ഗ്രാമത്തിലെ രണ്ട് മോഷ്ടാക്കളെ ശബരിമലയിൽ നിന്ന് അറസ്റ്റ് ചെയ്തു. കറുപ്പ് സ്വാമി, വസന്ത് എന്നിവരെ സന്നിധാനം പൊലീസ് പിടികൂടിയത്. മോഷണശ്രമത്തിനിടെയാണ് അറസ്റ്റ്.
ശബരിമല സീസണിൽ സ്ഥിരമായി എത്തുന്ന മോഷ്ടാക്കളുടെ ഒ ഡാറ്റലിസ്റ്റ് പൊലീസിന്റെ പക്കലുണ്ട്. അതിൽപ്പെട്ടവരാണ് ഇപ്പോൾ അറസ്റ്റിലായത്. നിരവധി കേസുകൾ ഇവരുടെ പേരിലുണ്ടെന്നും പൊലീസ് പറഞ്ഞു.
കഴിഞ്ഞ ദിവസം സംശയാസ്പാദ സാഹചര്യത്തിൽ സന്നിധാനത്ത് കണ്ട ഇരുവരെയും പൊലീസ് ചോദ്യം ചെയ്തിരുന്നു. ജോലിക്കെത്തിയതെന്നായിരുന്നു ഇവർ പോലീസിനോട് പറഞ്ഞത്. ജോലി സംബന്ധമായ രേഖകൾ ഇവരുടെ കൈവശം ഉണ്ടായിരുന്നില്ല. തുടർന്ന് മടങ്ങിപോകാൻ പൊലീസ് നിർദ്ദേശിച്ചിരുന്നു. എന്നാൽ ഇവർ കാട്ടിൽ ഒളിക്കുകയായിരുന്നു.
ഇരുവരേയും റാന്നി കോടതിയിൽ ഹാജരാക്കും.
