കോഴിക്കോട് : ഉംറ ചെയ്യാന് സൗദിക്ക് വരുന്നുവെന്നും തന്നെ കാണേണ്ടവര്ക്ക് വന്ന് കാണാമെന്നും അർജുന്റെ ലോറി ഉടമ മനാഫ് . കഴിഞ്ഞ ദിവസമാണ് മനാഫ് ഇങ്ങനെയൊരു വീഡിയോ പോസ്റ്റ് ചെയ്തത് . തന്നെ കാണേണ്ടവര്ക്ക് ചുവടെ കൊടുത്തിരിക്കുന്ന നമ്പറിലെ ആളെ വിളിക്കാമെന്നും താല്പര്യമുള്ളവര്ക്ക് വന്ന് കാണാമെന്നും മനാഫ് പറയുന്നു.
നേരത്തെ ചാരിറ്റി ആപ്പ് ഉണ്ടാക്കാന് സഹായം അഭ്യര്ഥിച്ച് മനാഫ് രംഗത്ത് എത്തിയിരുന്നു . ചാരിറ്റി ആപ്പിന് അഞ്ച് ലക്ഷം രൂപ ചെലവാണെന്നും അറിയാവുന്ന ആരേലും തനിക്ക് ഉണ്ടാക്കി തരണമെന്നും മനാഫ് പറഞ്ഞിരുന്നു. ചാരിറ്റിക്ക് വരുന്ന പണത്തെ പറ്റി അറിയാന് ആപ്പ് സഹായിക്കുമെന്നും മനാഫ് പറയുന്നു.നിലവിൽ 5.29 ലക്ഷം പേരാണ് ചാനൽ സബ്സ്ക്രൈബർമാരായുള്ളത്.
അതേസമയം വീഡിയോയ്ക്ക് താഴെ വരുന്ന കമന്റുകളിലേറെയും മനാഫിനെ വിമർശിക്കുന്നതാണ്. പണമുണ്ടാക്കാൻ പല വഴികളും നോക്കുകയാണെന്നും,അര്ജുന്റെ ഫാമിലി പറഞ്ഞതാണ് ശരിയെന്നും കമന്റുകളുണ്ട്.
