ഗുരുവായൂർ: ഗുരുവായൂർ ക്ഷേത്രത്തിൽ ഭണ്ഡാരം എണ്ണലിൽ ലഭിച്ചത് 4,98,14,314 രൂപ. ഡിസംബർ മാസത്തെ ഭണ്ഡാരം എണ്ണലിലാണ് ഈ തുക ലഭിച്ചത്. 1.795 കിലോ സ്വർണവും 9.980 കിലോ വെള്ളിയും ഭണ്ഡാരത്തിനുള്ളിൽ നിന്ന് ലഭിച്ചിട്ടുണ്ട്. സിഎസ്ബി ഗുരുവായൂർ ശാഖയ്ക്കായിരുന്നു ഇക്കുറി ഭണ്ഡാരം എണ്ണലിന്റെ ചുമതല ലഭിച്ചത്.
കേന്ദ്രസർക്കാർ നിരോധിച്ച നോട്ടുകളായ രണ്ടായിരം, ആയിരം, അഞ്ഞൂറ് എന്നീ നോട്ടുകളും ഇതിനുള്ളിൽ നിന്ന് ലഭിച്ചിട്ടുണ്ട്. രണ്ടായിരത്തിന്റെ 20 നോട്ടുകളും, ആയിരത്തിന്റെ ആറും, അഞ്ഞൂറിന്റെ 38 നോട്ടുകളുമാണ് കിട്ടിയിരിക്കുന്നത്. ക്ഷേത്രത്തിന്റെ കിഴക്കേ നടയിലുള്ള ഇ ഭണ്ഡാരം വഴി 3.11 ലക്ഷം രൂപയും, പടിഞ്ഞാറേ നടയിലെ ഇ ഭണ്ഡാരം വഴി 44,797 രൂപയുമാണ് ലഭിച്ചത്.
