ജമ്മുകശ്മീരിലെ ബന്ദിപ്പോരയിൽ ട്രക്ക് താഴ്ചയിലേക്ക് മറിഞ്ഞ് രണ്ട് സൈനികർക്ക് വീരമൃത്യു

ശ്രീനഗർ: സൈനിക വാഹനം അപകടത്തിൽപെട്ട് രണ്ട് സൈനികർക്ക് വീരമൃത്യു. ജമ്മു കാശ്‌മീരിലെ ബന്ദിപ്പോര ജില്ലയിലെ ബന്ദിപ്പോര  സദർ കൂട്ട് പായൻ മേഖലയ്‌ക്ക് സമീപമാണ് അപകടം നടന്നത്. കൊടും വളവ് തിരിയുന്നതിനിടെ ട്രക്കിന്റെ നിയന്ത്രണം നഷ്‌ടമാവുകയും റോഡിൽ നിന്നും തെന്നിമാറി താഴ്ചയിലേക്ക് മറിയുകയായിരുന്നു. മൂന്ന് സൈനികർക്ക് പരിക്കേറ്റതായും റിപ്പോർട്ടുണ്ട്. പരിക്കേറ്റ സൈനികരെ ബന്ദിപ്പോര ജില്ല ആശുപത്രിയിലേക്ക് മാറ്റി. സുരക്ഷാ സേനയും പൊലീസും അപകട സ്ഥലത്ത് എത്തി പരിശോധന നടത്തി.

#WATCH | Jammu and Kashmir: 2 soldiers died, 3 injured after an Army vehicle veered off the road and plunged into a deep gorge near the Wular Viewpoint in the Bandipora district pic.twitter.com/lQ8MAoY9ca

— ANI (@ANI) January 4, 2025