കൊച്ചി: സ്വർണവില വീണ്ടും സർവകാല റെക്കോർഡിൽ. ഗ്രാമിന് 185 രൂപ കൂടി 8,745 രൂപയായി. പവൻ വില 69,960 രൂപയാണ്. അന്താരാഷ്ട്ര വിപണിയിലെ വില വർദ്ധനയ്ക്ക് കാരണം ലോകരാഷ്ട്രങ്ങൾ തമ്മിലുള്ള വ്യാപാരയുദ്ധമാണെന്നാണ് വിലയിരുത്തൽ.
നികുതിയും പണിക്കൂലിയുമടക്കം നൽകി സ്വർണാഭരണം വാങ്ങുമ്പോൾ പവൻ വില 74,000-75,000 കടക്കും. അതായത് ഒരു പവൻ സ്വർണാഭരണം വാങ്ങാൻ മുക്കാൽ ലക്ഷം രൂപയെങ്കിലും നൽകേണ്ടിവരുന്ന സ്ഥിതിയാണ്. അന്താരാഷ്ട്ര വിപണിയിൽ ഒറ്റദിവസം കൊണ്ട് നൂറ് ഡോളറിൽ അധികം വർദ്ധനയാണ് സ്വർണത്തിനുണ്ടായത്. ഇതിന്റെ ഫലമായാണ് ആഭ്യന്തര വിപണിയിലും സ്വർണവില ഉയരുന്നത്.
