എറണാകുളം: കെഎസ്ആർടിസി ബസ് താഴ്ചയിലേക്ക് മറിഞ്ഞുണ്ടായ അപകടത്തിൽ കുട്ടി മരിച്ചു. എറണാകുളം നേര്യമംഗലത്താണ് സംഭവം. 25ഓളം പേർക്ക് പരിക്കേറ്റിട്ടുണ്ട്. മണിയമ്പാറ ഭാഗത്താണ് ബസ് മറിഞ്ഞത്. നിയന്ത്രണം വിട്ട് താഴ്ചയിലേക്ക് പതിക്കുകയായിരുന്നു.
കട്ടപ്പനയിൽ നിന്ന് എറണാകുളത്തേക്ക് പോയ ബസാണ് അപകടത്തിൽപ്പെട്ടത്. പരിക്കേറ്റവരുടെ നില ഗുരുതരമല്ലെന്നാണ് വിവരം. നാട്ടുകാരും ഫയർഫോഴ്സും ചേർന്ന് യാത്രക്കാരെ രക്ഷപ്പെടുത്തി. ബസിനടിയിൽ ഏറെ നേരം കുടുങ്ങിക്കിടന്ന 12 വയസായ പെൺകുട്ടിയെ പുറത്തെടുത്ത് കോതമംഗലത്തെ ആശുപത്രിയിലേക്ക് മാറ്റിയിരുന്നു. എങ്കിലും ജീവൻ രക്ഷിക്കാനായില്ല.
