മദ്യത്തിന്റെയോ മയക്കുമരുന്നിന്റെയോ ലഹരിയുടെ പിടിയിൽ നടുറോഡിൽ പരാക്രമം നടത്തി യുവതി. ഡെറാഡൂണിലെ റായ്പൂരിൽ നിന്നുള്ള വീഡിയോ സോഷ്യൽ മീഡിയയിൽ വൈറലായി. തിരക്കേറിയ റോഡിലായിരുന്നു യുവതിയുടെ അഭ്യാസ പ്രകടനം. ബ്ലാക്ക് സ്ലീവ്ലെസും ജീൻസും ധരിച്ച യുവതിയാണ് വാഹനങ്ങൾ പായുന്ന റോഡിൽ കുത്തിയിരുന്നത്. ബൈക്കുകൾ വഴിതിരിഞ്ഞ് പോയപ്പോൾ, കാറുകൾ ഇവർക്ക് അരികിലെത്തി കുടുങ്ങിപ്പോയി. ഉറക്കെ ഹോൺ മുഴക്കിയെങ്കിലും യുവതിക്ക് ഒരു കുലുക്കവുമില്ലായിരുന്നു.
ഒരു സുരക്ഷ ജീവനക്കാരൻ ഇവരെ അവിടുന്ന് മാറ്റാൻ ശ്രമിച്ചെങ്കിലും നടന്നില്ല. പിന്നീട് മറ്റൊരാളെത്തിയാണ് ഇവരെ റോഡിന്റെ വശത്തേക്ക് കൊണ്ടുപോയത്. ഈ വീഡിയോയാണ് സോഷ്യൽ മീഡിയയിൽ പ്രചരിക്കുന്നത്. ഇവർ മദ്യലഹരിയിലാണെന്ന് ചിലർ വാദിക്കുമ്പോൾ അതല്ല രാസ ലഹരിയെന്നാണ് മറ്റു ചിലരുടെ അഭിപ്രായം. ഇന്നാണ് വീഡിയോ പുറത്തുവന്നത്. ഇതിൽ പൊലീസ് നടപടി എന്തെങ്കിലും ഉണ്ടായോ എന്ന കാര്യവും വ്യക്തമല്ല.
देहरादून, रायपुर। बीच सड़क पर नशे की हालत में धुत लड़की सड़क में बैठकर ट्रैफिक को बाधित करना न केवल खुद के लिए खतरनाक है, बल्कि दूसरों की जान को भी जोखिम में डालता है#Dehradun #Uttarakhand pic.twitter.com/gbb53xsjeG
— Pyara Uttarakhand प्यारा उत्तराखंड (@PyaraUKofficial) June 8, 2025
