നെയ്യാറ്റിൻകര: ഇൻസ്റ്റഗ്രാമിൽ റീൽസ് ചിത്രീകരിക്കുന്നതിനിടെ കുത്തൊഴുക്കിൽപ്പെട്ട യുവാവിന് താങ്ങായത് ചാഞ്ഞുകിടന്ന ആൽമരക്കൊമ്പ്. ശനിയാഴ്ച ഉച്ചയ്ക്കാണ് സംഭവം.വഴിമുക്ക് സ്വദേശി ഷഹബാസ്(18) ആണ് അരുവിപ്പുറം ക്ഷേത്രത്തിനു സമീപം ഒഴുക്കിൽപ്പെട്ടത്.
റീൽസ് എടുക്കാനായാണ് ഷഹബാസും നാലംഗ സംഘവും പ്രദേശത്ത് എത്തിയത്. നെയ്യാർ ഡാം തുറന്നുവിട്ട സമയമായതിനാൽ ആറ്റിൽ കുത്തൊഴുക്കുണ്ടായിരുന്നു. റീലുകൾ ഷൂട്ട് ചെയ്യുന്നതിനിടെ ഷഹബാസ് കാൽവഴുതി വീഴുകയായിരുന്നു.
ആൽമരക്കൊമ്പിൽ പിടിച്ചുകിടന്ന യുവാവിനെ അഗ്നിരക്ഷാസേന എത്തി ശേഷമാണ് രക്ഷിച്ചത്. കരയിൽനിന്ന് വടം വലിച്ചുകെട്ടിയ ശേഷം ഫയർ ആൻഡ് റെസ്ക്യൂ ഓഫീസർ ശീതൾ നെയ്യാറിലിറങ്ങി തുടർന്ന് ഷഹബാസിന് റെസ്ക്യൂ ട്യൂബും വടവും നൽകിയാണ് കരയ്ക്കെത്തിച്ചത്.
