അ​ക്യു​പം​ഗ്ച​റി​സ്റ്റാ​യ മാ​താ​പി​താ​ക്ക​ൾ ചി​കി​ത്സ ന​ൽ​കിയില്ല; മ​ല​പ്പു​റ​ത്ത് മ​ഞ്ഞ​പ്പി​ത്തം ബാധിച്ച ഒന്നര വയസ്സുകാരൻ മ​രി​ച്ചു

മ​ല​പ്പു​റം:  അ​ക്യു​പം​ഗ്ച​റി​സ്റ്റാ​യ മാ​താ​പി​താ​ക്ക​ൾ ചി​കി​ത്സ ന​ൽ​കാ​ത്ത​തി​നെ തു​ട​ർ​ന്ന് മ​ഞ്ഞ​പ്പി​ത്തം ബാ​ധി​ച്ച ഒ​ന്നര വ​യ​സ്സു​കാ​ര​ൻ മ​രി​ച്ചു. മ​ല​പ്പു​റം കോ​ട്ട​ക്ക​ലി​ന​ടു​ത്ത് പാ​ങ്ങി​ലാ​ണ് അതിദാരുണസംഭവം. ഹി​റ ഹ​റീ​റ – ന​വാ​സ് ദ​മ്പ​തി​ക​ളു​ടെ മ​ക​ൻ എ​സ​ൻ എ​ർ​ഹാ​നാ​ണ് മ​രി​ച്ച​ത്. അ​ക്യു​പം​ഗ്ച​റി​സ്റ്റാ​ണ് ഇരുവരും. ​അശാ​സ്ത്രീ​യ ചി​കി​ത്സാ​രീ​തി പ്രോത്സാഹിപ്പിക്കുന്ന ഇവർ കുഞ്ഞിന്റെ സ്ഥിതി ​ഗുരുതരമായിട്ടും ചികിത്സ നൽകാൻ തയ്യാറായില്ലെന്നാണ് ആരോപണം. വെ​ള്ളി​യാ​ഴ്ച വൈ​കു​ന്നേ​ര​മാ​ണ് കു​ഞ്ഞ് മ​രി​ച്ച​ത്. ശനിയാഴ്ച രാ​വി​ലെ മൃ​ത​ദേ​ഹം ഖ​ബ​റ​ട​ക്കി.

2024 ഏ​പ്രി​ൽ 14ന് ​വീ​ട്ടി​ലാ​ണ് കു​ഞ്ഞ് ജനിച്ചത്. കു​ട്ടി​ക്ക്  പ്ര​തി​രോ​ധ കു​ത്തി​വെ​പ്പു​ക​ളോ ചികിത്സയോ ഇതുവരെ നൽകിയിട്ടില്ല. കുഞ്ഞിന്റെ അമ്മ ഹി​റ ഹ​റീ​റയുടെ ഫേസ്ബുക്ക് അക്കൗണ്ട് മുഴുവൻ ആശുപത്രി ചികിത്സയെയും പ്രതിരോധ കുത്തിവെപ്പിനെയും കളിയാക്കി കൊണ്ടുള്ള പോസ്റ്റുകളാണ്. കൂടാതെ വീട്ടു പ്രസവത്തെയും  മഹത്വവൽക്കരിക്കുന്ന പോസ്റ്റുകളും ഇതിൽ കാണാം. അ​ക്യു​പം​ഗ്ച​ർ റാങ്ക് ഹോൾഡറാണെന്നും ഇവർ പറയുന്നുണ്ട്.  സം​ഭ​വ​ത്തി​ൽ കോ​ട്ട​ക്ക​ൽ പൊ​ലീ​സ് അ​ന്വേ​ഷ​ണം തു​ട​ങ്ങി.

മലപ്പുറം, കോഴിക്കോട് ജില്ലയിൽ ഇത്തരം സംഭവങ്ങൾ വർദ്ധിച്ച് വരുന്നതായാണ് റിപ്പോർട്ടുകൾ. പലതും പുറംലോകം അറിയാറില്ലെന്ന് മാത്രം. വിട്ടു പ്രസവത്തോടും അ​ക്യു​പം​ഗ്ച​ർ പോലുള്ള അശാസ്ത്രിയ ചികിത്സയോടും മുസ്ലീം സമുദായത്തിനിടയിൽ ആഭിമുഖ്യം വർദ്ധിക്കുകയാണെന്ന് വിവിധ സംഘടനകൾ നടത്തിയ പഠനത്തിൽ കണ്ടെത്തിയിരുന്നു.

മാസങ്ങൾക്ക് മുമ്പ് അ​ക്യു​പം​ഗചർ വഴി വീട്ടിൽ പ്രസവിച്ച യുവതി മരിച്ചിരുന്നു. അന്ന് വീട്ടു പ്രസവത്തിനെതിരെ നടപടി ശക്തമാക്കുമെന്ന് ആരോ​ഗ്യ വകുപ്പും സംസ്ഥാന സർക്കാരും പറഞ്ഞിരുന്നെങ്കിലും ഒന്നും ചെയ്തില്ല. പിന്നാലെ വീട്ടിൽ പ്രസവിച്ചരെ ആദരിക്കുന്ന പരിപാടി കോഴിക്കോട് നടന്നെങ്കിലും സർക്കാർ കണ്ടഭാവം പോലും നടിച്ചില്ല. ആരോ​ഗ്യ രം​ഗത്ത് കേരള മോഡൽ എന്ന അവകാശപ്പെട്ടിരുന്നിടത്താണ് പിഞ്ചുകുഞ്ഞ് ചികിത്സ കിട്ടാതെ മരിച്ചത്. സംസ്ഥാന സർക്കാർ ഇതേ സമീപനം തുടർന്നാൽ ഇനിയും ഇത്തരം ​ദുരന്തങ്ങൾ ആവർത്തിക്കും.