തിരുവനന്തപുരം: സംസ്ഥാനത്ത് മഴ കനക്കുന്ന സാഹചര്യത്തിൽ മൂന്ന് ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചു. കാസർകോട്, കണ്ണൂർ, തൃശൂർ ജില്ലകളിലെ വിദ്യാഭ്യാസ സ്ഥാപനങ്ങൾക്കാണ് അവധി പ്രഖ്യാപിച്ചത്. ജില്ലയിൽ നാളെ റെഡ് അലർട്ട് പ്രഖ്യാപിച്ചിട്ടുണ്ട്. കാസർകോട് വിവിധയിടങ്ങളിൽ കനത്ത മഴയാണ് ലഭിക്കുന്നത്. പ്രൊഫഷണൽ കോളേജുകളും മദ്രസകളും ഉൾപ്പെടെ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണെന്ന് കളക്ടർ അറിയിച്ചു. നേരത്തെ തീരുമാനിച്ച പരീക്ഷകൾക്ക് മാറ്റമില്ല.
തൃശൂർ, കണ്ണൂർ ജില്ലകളിലും അതിശക്തമായ മഴ ലഭിക്കുന്നുണ്ട്. വരും മണിക്കൂറുകളിലും മഴ തുടരുമെന്നാണ് കേന്ദ്ര കാലാവസ്ഥാ നിരീക്ഷണ കേന്ദ്രത്തിന്റെ പ്രവചനം. കൂടാതെ മഴ മുന്നറിയിപ്പും നൽകിയിട്ടുണ്ട്. സിബിഎസ്ഇ, ഐസിസിഎസ് സി, കേന്ദ്രീയ വിദ്യാലയം, അങ്കണവാടികൾ എന്നിവ ഉൾപ്പടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും നാളെ അവധിയാണ്. ഈ ജില്ലകളിൽ ഹെൽപ് ഡെസ്കും തുറന്നിട്ടുണ്ട്.
