കോട്ടയം: വൈകുന്നേരം 5.40 ന് കോട്ടയത്ത് നിന്നും പുറപ്പെടുന്ന കോട്ടയം – കൊല്ലം മെമുവിൽ ബോഗികളുടെ കുറവ് മൂലം ജീവനക്കാർ ഉൾപ്പെടെയുള്ളവർ അനുഭവിക്കുന്ന യാത്രാദുരിതം പരിഹരിക്കുന്നതിന് കൂടുതൽ ബോഗികൾ അനുവദിക്കണമെന്ന് ആവശ്യപ്പെട്ട് കേരള എൻ ജി ഒ സംഘ് കോട്ടയം ജില്ലാ കമ്മിറ്റി കേന്ദ്രമന്ത്രി ജോർജ് കുര്യന് നിവേദനം നൽകി.
സംസ്ഥാനസമിതി അംഗം പി. എ മനോജ് ജില്ലാ സെക്രട്ടറി കെ. എൻ.മനുകുമാർ, ചങ്ങനാശ്ശേരി ബ്രാഞ്ച് സെക്രട്ടറി ദിലീപ്കുമാർ എന്നിവരാണ് മന്ത്രിയെ നേരിൽ കണ്ട് നിവേദനം നൽകിയത്. റെയിൽവെ മന്ത്രിയുടെ ശ്രദ്ധയിൽപ്പെടുത്തി പരിഹാരം കാണാമെന്ന് കേന്ദ്രമന്ത്രി ഉറപ്പ് നൽകിയതായി ഭാരവാഹികൾ അറിയിച്ചു.
