കോട്ടയം: മുഖ്യമന്ത്രിക്കെതിരെ മാധ്യമങ്ങളോട് രൂക്ഷമായി പ്രതികരിച്ച വീട്ടമ്മക്കെതിരെ പൊലീസ് കേസ്. കോട്ടയം പായിപ്പാട് സ്വദേശിനി ലത രഘുവിനെതിരെയാണ് കോൺഗ്രസ് പ്രവർത്തകരുടെ പരാതിയിൽ പൊലീസ് എഫ്‌ഐആർ രജിസ്റ്റർ ചെയ്തത്.
ജില്ലാ പഞ്ചായത്ത് തൃക്കൊടിത്താനം ഡിവിഷൻ ഉപതെരഞ്ഞെടുപ്പ് ഫലം പുറത്തുവന്നതിന് പിന്നാലെ മാധ്യമങ്ങളോട് സംസാരിക്കുന്നതിനിടെയാണ് ലത രഘു മുഖ്യമന്ത്രിക്കെതിരെ പ്രതികരിച്ചത്. ഇതിന്റെ അടിസ്ഥാനത്തിലാണ് കോൺഗ്രസ് പ്രവർത്തകർ പൊലീസിൽ പരാതി നൽകിയത്.
മുഖ്യമന്ത്രിയെ അപമാനിച്ചെന്നും സമൂഹത്തിൽ സ്പർധ വളർത്തി കലാപത്തിന് ശ്രമിച്ചെന്നും ആരോപിച്ചാണ് പരാതി നൽകിയതെന്നാണ് റിപ്പോർട്ട്. പരാതിയുടെ അടിസ്ഥാനത്തിൽ പൊലീസ് കേസ് രജിസ്റ്റർ ചെയ്യുകയായിരുന്നു. പൊലീസ് അന്വേഷണം തുടരുകയാണ്.
