ചെന്നൈ: ബസിനുള്ളിൽ സഹയാത്രികയുടെ മാല മോഷ്ടിച്ച ഡിഎംകെ നേതാവായ പഞ്ചായത്ത് പ്രസിഡന്റ് അറസ്റ്റിൽ. തിരുപ്പത്തൂർ ജില്ലയിലെ നരിയംപെട്ട് പഞ്ചായത്ത് പ്രസിഡന്റ് ഭാരതിയാണ് പിടിയിലായത്. നേർക്കുണ്ട്രം സ്വദേശി വരലക്ഷ്മിയുടെ അഞ്ച് പവൻ തൂക്കമുള്ള മാലയാണ് ഭാരതി തട്ടിയെടുത്തത്.
കാഞ്ചീപുരത്ത് നിന്നും കോയമ്പേട് വരുന്ന ബസിലായിരുന്നു മോഷണം നടന്നത്. വിവാഹ സൽക്കാരത്തിൽ പങ്കെടുത്ത് മടങ്ങുകയായിരുന്നു വരലക്ഷ്മി. കോയമ്പേട് ബസ് സ്റ്റാൻഡിൽ ഇറങ്ങി തന്റെ ബാഗ് പരിശോധിച്ചപ്പോളാണ് മാലനഷ്ടപ്പെട്ട കാര്യം വരലക്ഷ്മി അറിഞ്ഞത്. തുടർന്ന് പൊലീസ് സ്റ്റേഷനിൽ എത്തി പരാതി നൽകുകായായിരുന്നു. സിസിടിവി ദൃശ്യങ്ങളുടെ അടിസ്ഥാനത്തിൽ നടത്തിയ അന്വേഷണമാണ് ഭാരതിൽ എത്തിയത്.
നിരവധി കേസുകളിൽ പ്രതിയാണ് ഡിഎംകെ നേതാവായ ഭാരതി. തിരുപ്പത്തൂർ, വെല്ലൂർ, അമ്പൂർ എന്നിവിടങ്ങളിൽ ഇവർക്കെതിരെ കേസുകൾ നിലവിലുണ്ട്. അറസ്റ്റിലായ ഭാരതിയെ കോടതിയിൽ ഹാജരാക്കി റിമാൻഡ് ചെയ്തിട്ടുണ്ട്.
