ആലപ്പുഴ: ശ്രീകൃഷ്ണ ജയന്തിയെ അധിക്ഷേപിച്ച സൂപ്പർ മാർക്കറ്റ് ഉടമ. ചങ്ങനാശ്ശേരി- കുന്നംന്താനം റോഡിൽ പ്രവർത്തിക്കുന്ന എൻഎൽഎസ്എം സൂപ്പർ മാർക്കറ്റിന്റെ ഉടമ രാജുവാണ് അവഹേളിച്ച് കൊണ്ട് ഫേസ്ബുക്ക് പോസ്റ്റിട്ടത്. ഇന്ന് ഡിങ്കാഷ്ടമി, കപ്പ പുഴുക്ക് കട്ടുതിന്നാൻ ശ്രമിക്കുന്ന ഡിങ്കന്റെ അപൂർവ്വ ചിത്രം തുടങ്ങി അങ്ങേയറ്റം അധിക്ഷേപകരമായ പരമാർശങ്ങളാണ് ഇയാൾ നടത്തിയത്.
ഹിന്ദു വിശ്വാസങ്ങളെ അവഹേളിക്കുന്ന തരത്തിലുള്ള പ്രവൃത്തികൾ മുൻപും രാജുവിന്റെ ഭാഗത്ത് നിന്നുണ്ടായിട്ടുണ്ട്. സംഭവത്തിൽ പ്രതിഷേധിച്ച് വിവിധ ഹൈന്ദവ സംഘടനകൾ സൂപ്പർ മാർക്കറ്റിലേക്ക് പ്രതിഷേധ പ്രകടനം നടത്തി. കോട്ടമുറി കാണിക്കമണ്ഡപം ജംഗ്ഷനിൽ നിന്നും ആരംഭിച്ച പ്രതിഷേധത്തിൽ നിരവധി പേർ പങ്കെടുത്തു. രാജു മാപ്പ് പറയണം എന്നാവശ്യപ്പെട്ടു കൊണ്ടുള്ള ബാനറും സ്ഥാപിച്ചിട്ടുണ്ട്. രാജുവിനെതിരെ നടപടി ആവശ്യപ്പെട്ട് തൃക്കൊടിത്താനം പൊലീസ് സ്റ്റേഷനിൽ പരാതിയും നൽകിയിട്ടുണ്ട്.
