നദിയിൽ നിന്നും വെള്ളമെടുക്കുന്നതിനിടെ മു​ത​ല​ വലിച്ചിഴച്ചു; പ​തി​ന​ഞ്ചു​കാ​രി മു​ങ്ങി​മ​രി​ച്ചു

ജ​യ്പൂ​ർ: മു​ത​ല​യു​ടെ ആ​ക്ര​മ​ണ​ത്തി​ൽ പ​തി​ന​ഞ്ചു​കാ​രി മുങ്ങിമ​രി​ച്ചു. രാ​ജ​സ്ഥാ​നി​ലെ ബാ​ര​ൻ ജി​ല്ല​യി​ലെ മെ​ഹ്താ​ബ്പു​ര ഗ്രാ​മ​ത്തി​ലാ​ണ് സം​ഭ​വം. ശി​വാ​നി കേ​വ​ത് എ​ന്ന പെ​ൺ​കു​ട്ടി​യാ​ണ് മ​രി​ച്ച​ത്.

ന​ദി​യി​ൽ​നി​ന്ന് കു​ട​ത്തി​ൽ വെ​ള്ള​മെ​ടു​ക്കു​ന്ന​തി​നി​ടെയാണ് കുട്ടിയെ മുതല ആക്രമിച്ചത്. കുട്ടിയെ മു​ത​ല വ​ലി​ച്ചി​ഴ​ച്ചു കൊ​ണ്ടു​പോ​കു​ന്ന​ത് നാട്ടുകാര്ർ കണ്ടെങ്കിലും രക്ഷിക്കാനായില്ല. അൽപ്പം കഴിഞ്ഞ് മുതല പി​ടി​വി​ട്ടെ​ങ്കി​ലും കു​ട്ടി ന​ദി​യി​ൽ മു​ങ്ങി​ത്താ​ഴു​ക​യാ​യി​രു​ന്നു​.

പ്രദേശവാസികൾ വിവരം അറിയിച്ചതിനെ തുടർന്ന് പൊ​ലീ​സ് സ്ഥലത്തെത്തി തെ​ര​ച്ചി​ൽ ന​ട​ത്തി​യെ​ങ്കി​ലും ഫലമുണ്ടായില്ല. തു​ട​ർ​ന്ന് ചൊ​വ്വാ​ഴ്ച ​മൃത​ദേ​ഹം ന​ദി​യി​ൽ പൊ​ന്തി​വ​രികയായിരുന്നു. പോ​സ്റ്റ്മോ​ർ​ട്ട​ത്തി​നു ശേ​ഷം മൃ​ത​ദേ​ഹം ബ​ന്ധു​ക്ക​ൾ​ക്ക് കൈ​മാ​റി.