കോഴിക്കോട്: കോഴിക്കോട് താമരശ്ശേരിയിലെ മര്ക്കസ് നോളജ് സിറ്റിയിലെ അധ്യാപകനെ വിദ്യാർത്ഥികൾ കയ്യേറ്റം ചെയ്തു. കാന്തപുരം എ പി അബൂബക്കർ മുസ്ലിയാരുടെ കീഴിലുള്ള മർകസ് നോളജ് സിറ്റിയിലെ ഹിൽസിനായി സെന്റർ ഓഫ് എക്സലൻസിലെ അധ്യാപകനെയാണ് കയ്യേറ്റം ചെയ്തത്
പെൺകുട്ടികളോട് ലൈംഗിക ചുവയോടെയുള്ള സംസാരം , ഫോൺ വിളിച്ചു ശല്യം ചെയ്യൽ തുടങ്ങിയ ആരോപണങ്ങൾ ഉന്നയിച്ചാണ് കുട്ടികൾ അധ്യാപകനെ കയ്യേറ്റം ചെയ്തത്. ഇയാൾ നിരന്തരമായി കുട്ടികളെ ഫോണിലൂടെ ശല്യം ചെയ്യുമായിരുന്നു. പരാതിപ്പെട്ടിട്ടും നടപടി ഉണ്ടാകാതെ വന്നപ്പോഴാണ് ഇയാളെ കയ്യേറ്റം ചെയ്തത് എന്ന് പ്രതികരിച്ച വിദ്യാർത്ഥികൾ പറയുന്നു. വിദ്യാർത്ഥികൾ പ്രതികരിക്കുന്ന ദൃശ്യങ്ങൾ സമൂഹ മാധ്യമങ്ങളിൽ വൈറലായി. സഹപാഠികളായ സുഹൃത്തുക്കളോട് പെൺകുട്ടികൾ പറയുകയും അവർ പ്രതികരിക്കുകയുമായിരുന്നു.
