തിരുവനന്തപുരം: സംസ്ഥാന സർക്കാർ കൊട്ടിഘോഷിച്ച് നടത്തുന്ന അതിദാരിദ്ര്യ മുക്ത കേരളം പ്രഖ്യാപന പരിപാടിയിൽ നടൻമാരായ മോഹൻലാലും കമൽ ഹാസനും പങ്കെടുക്കില്ല. അതേസമയം പരിപാടിയിൽ പങ്കെടുക്കാൻ നടൻ മമ്മൂട്ടി തിരുവനന്തപുരത്ത് എത്തി. ഇതോടെ താരനിബിഢമായി ചടങ്ങ് നടത്താനുള്ള മുഖ്യമന്ത്രി പിണറായി വിജയന്റെ മോഹം പൊലിഞ്ഞു.
വൈകുന്നേരം മൂന്നരയ്‌ക്ക് സെൻട്രൽ സ്റ്റേഡിയത്തിലാണ് പരിപാടി നിശ്ചയിച്ചിരിക്കുന്നത്. ഇംഗ്ലീഷ് മാധ്യമങ്ങളിൽ അടക്കം മുൻ പേജ് പരസ്യം നൽകി വൻ പ്രചാരമാണ്‌ പ്രഖ്യാപനത്തിനു സർക്കാർ നൽകിയത്. അതിദാരിദ്ര്യ നിർമാർജനം ചെയ്തെന്ന സർക്കാരിന്റെ അവകാശവാദം പൊള്ളയാണെന്ന് വിമർശനം ശക്തമാണ്. തദ്ദേശ തെരഞ്ഞെടുപ്പ് മുന്നിൽ കണ്ട് പിണറായി സർക്കാർ നടത്തുന്ന പ്രഹസമാണിതെന്നാണ് വിമർശനമാണ് ഉയരുന്നത്. നിയമസഭയിൽ രേഖകൾ പ്രകാരവും സംസ്ഥാനത്ത് ഇപ്പോഴും ഇത്തരം കുടുംബങ്ങളുണ്ട്.
