ഇടുക്കി: എൽഡിഎഫിന്റെ കനത്ത തോൽവിക്ക് പിന്നാലെ വോട്ടർമാരെ അവഹേളിച്ച് മുതിർന്ന സിപിഎം നേതാവ് എംഎം മണി. വോട്ടർമാരെ നന്ദിയില്ലാത്തവർ എന്നാണ് മണി വിശേഷിപ്പിച്ചത്. ജനങ്ങൾ ആനുകൂല്യങ്ങൾ വാങ്ങിവെച്ച് നന്ദിക്കേട് കാണിച്ചു എന്നും മണി പറഞ്ഞു
മണിയുടെ വിവാദമായ വാക്കുകൾ ഇങ്ങനെ പോകുന്നു…. ’ഇതെല്ലാം വാങ്ങിച്ച് നല്ല ഭംഗിയായി ആളുകൾ ശാപ്പാട് കഴിച്ചിട്ടുണ്ട്. എന്നിട്ട് ഏതോ തക്കതായ, നൈമിഷികമായ വികാരത്തിന് എതിരെ വോട്ട് ചെയ്തു എന്നാണ് എനിക്ക് തോന്നുന്നത്.
നന്ദികേടല്ലാതെ പിന്നെ അനുകൂലമാണോ? ക്ഷേമപ്രവർത്തനങ്ങൾ, റോഡ്, പാലം, വികസന പ്രവർത്തനങ്ങൾ, ജനക്ഷേമ പരിപാടികൾ ഇതുപോലെ കേരളത്തിന്റെ ചരിത്രത്തിൽ നടന്നിട്ടുണ്ടോ? ഇല്ലല്ലോ? ഇതെല്ലാം വാങ്ങി നല്ല ഭംഗിയായി ശാപ്പാട് കഴിച്ചവർ നല്ല ഭംഗിയായി നമുക്കിട്ട് വെച്ചു എന്നാണ് എനിക്ക് തോന്നുന്നത്. നല്ല ഒന്നാന്തരം പെൻഷൻ മേടിച്ച് ഇഷ്ടം പോലെ തിന്നു. എന്നിട്ട് നേരെ എതിര് വോട്ട് ചെയ്തുവെന്ന് പറഞ്ഞാൽ, അതിന്റെ പേര് ഒരുമാതിരി പെറപ്പ്പണീന്ന് പറയും. നിങ്ങളെനിക്കൊരു ചായ മേടിച്ചുതന്നാൽ അതിന്റെ മര്യാദ ഞാൻ നിങ്ങളോട് കാണിക്കണ്ടേ’ ‘ മണി പറഞ്ഞു.
