തിരുവനന്തപുരം: ശബരിമല സ്വർണക്കൊള്ളക്കേസിൽ വ്യവസായി ഡിമണിയെ ഇന്നും ചോദ്യം ചെയ്തേക്കും. ചെന്നൈയിൽ എത്തിയ എസ്ഐടി ടീമാണ് ഡി മണിയെ ചോദ്യം ചെയ്യുക. പഞ്ചലോഹ വിഗ്രഹങ്ങൾ കടത്തിയ സംഭവത്തിലും സ്വർണക്കടത്തിലേയും ഡി മണിയുടെ പങ്കാണ് അന്വേഷിക്കുന്നത്. ഡിണ്ടിഗൽ സ്വദേശിയാണ് ഡി മണി എന്നാണ് വിവരം. ഡി മണിയെ കസ്റ്റഡിയിലെടുത്ത് ചോദ്യം ചെയ്യാനും സാധ്യതയുണ്ട്.
ഡി മണിയും സംഘവും കേരളത്തിൽ 1000 കോടി രൂപയുടെ ഇടപാടാണ് ലക്ഷ്യമിട്ടത്. പത്മനാഭ സ്വാമി ക്ഷേത്രത്തിലും ഇവർ കണ്ണു വെച്ചു എന്ന് നിർണ്ണായക വിവരവും പുറത്തുവരുന്നുണ്ട്. 2019- 2020 കാലത്താണ് ശബരിമലയിലെ പഞ്ചലോഹ വിഗ്രഹങ്ങൾ കടത്തിയെന്നാണ് വിദേശ വ്യവസായി എസ്ഐടിക്ക് മൊഴി നൽകിയത്.
2020 ഒക്ടോബറിൽ തിരുവനന്തപുരത്തെ ഹോട്ടലിൽ വെച്ചാണ് ഡി മണി ഉണ്ണികൃഷ്ണൻ പോറ്റിക്ക് പണം കൈമാറിയതെന്നും ഡിണ്ടിഗലിൽ നിന്നാണ് പണം എത്തിയതെന്നും അദ്ദേഹത്തിന്ർറെ മൊഴിയിലുണ്ട്,
അതേസമയം, ഇന്നലെ ഗോവർദ്ധന്റെ റൊസ്തം ജ്വല്ലറിയിൽ എസ്ഐടി നടത്തിയ പരിശോധനയിൽ നിർണായക വിവരങ്ങൾ ലഭിച്ചെന്നാണ് സൂചന. ശബരിമല സ്വർണ്ണക്കവർച്ച കേസുമായി ബന്ധപ്പെട്ട് ദേവസ്വം ബോർഡ് മുൻ അംഗങ്ങളായ കെ പി ശങ്കർ ദാസിനെയും എൻ വിജയകുമാറിനെയും എസ്ഐടി നാളെ ചോദ്യം ചെയ്തേക്കും.
