ദൃശ്യം മൂന്നിന്റെ ഹിന്ദി പതിപ്പിൽ നിന്ന് നടൻ അക്ഷയ് ഖന്ന പിന്മാറി. ചിത്രത്തിന്റെ റിലീസ് തീയതി പ്രഖ്യാപിച്ചതിന് പിന്നാലെയാണ് അക്ഷയ് ഖന്ന പിന്മാറിയത്. ചിത്രത്തിൽ പ്രധാന കഥാപാത്രമായാണ് അക്ഷയ് ഖന്ന എത്തുന്നത്. സിനിമയിൽ നിന്ന് പിന്മാറിയതോടെ നടനെതിരെ നിർമാതാക്കൾ രംഗത്തുവന്നു. നിർമാതാവ് കുമാർ പതകാണ് ഇക്കാര്യം അറിയിച്ചത്.
പ്രതിഫലത്തുകയുമായി ബന്ധപ്പെട്ട തർക്കങ്ങളെ തുടർന്നാണ് അക്ഷയ് ഖന്ന ചിത്രത്തിൽ നിന്ന് പിന്മാറിയത്. ചിത്രത്തിലെ ലുക്കിനെ ചൊല്ലിയും തർക്കമുണ്ടായിരുന്നു. ദൃശ്യം രണ്ടിൽ വിഗ്ഗില്ലാത്ത ലുക്കിലാണ് അക്ഷയ് ഖന്ന എത്തിയത്. എന്നാൽ മൂന്നാം ഭാഗത്തിൽ വിഗ്ഗ് ആവശ്യപ്പെട്ടിരുന്നു. ഇതാണ് പ്രശ്നങ്ങൾക്ക് വഴിവച്ചത്.
അക്ഷയ് ഖന്ന 21 കോടി രൂപ പ്രതിഫലത്തുക ആവശ്യപ്പെട്ടെന്നും റിപ്പോർട്ടുണ്ട്. ഛാവ, ദുരന്തർ തുടങ്ങിയ സിനിമകളുടെ വിജയത്തിന് പിന്നാലെയാണ് 21കോടി രൂപ പ്രതിഫലം ആവശ്യപ്പെട്ടത്. ദൃശ്യം മൂന്നിൽ അക്ഷയ് ഖന്നയ്ക്ക് പകരം ജയ്ദീപ് അഹലാവത്ത് എത്തും. 2026 ഒക്ടോബർ രണ്ടിനാണ് ദൃശ്യം മൂന്നിന്റെ ഹിന്ദി പതിപ്പെത്തുക.
