തിരുവനന്തപുരം: കേരളത്തിന്റെ ഭരണസിരാകേന്ദ്രം ഉള്പ്പെടുന്ന തിരുവനന്തപുരം ജില്ലയില് നിയമസഭാ തിരഞ്ഞെടുപ്പില് മികച്ച പോളിംഗ് രേഖപ്പെടുത്തി. ജില്ലയുടെ വിവിധ ഭാഗങ്ങളില് വോട്ടര്മാര് കൂട്ടത്തോടെ ബൂത്തുകളിലെത്തിയതോടെ ജനവിധി നിര്ണ്ണായകമാകുമെന്ന് ഉറപ്പായി. രാത്രി എട്ട് മണിക്ക് തിരഞ്ഞെടുപ്പ് കമ്മീഷന് പുറത്തുവിട്ട പ്രാഥമിക കണക്കുകള് പ്രകാരം ജില്ലയില് ശരാശരി 76.98 ശതമാനം വോട്ടര്മാര് സമ്മതിദാനാവകാശം വിനിയോഗിച്ചു. 80 ശതമാനം കടന്ന് കാട്ടാക്കടയും നേമവും ജില്ലയില് ഏറ്റവും വാശിയേറിയ പോരാട്ടം നടന്ന മണ്ഡലങ്ങളിലാണ് ഉയര്ന്ന പോളിംഗ് ദൃശ്യമായത്.
ജില്ലയില് ഏറ്റവും കൂടുതല് പേര് വോട്ട് രേഖപ്പെടുത്തിയത് കാട്ടാക്കട മണ്ഡലത്തിലാണ്. ഇവിടെ80.72% പോളിങ്ങാണ് രേഖപ്പെടുത്തിയത്. കടുത്ത ത്രികോണ മത്സരം നടന്ന നേമം മണ്ഡലത്തില് 80.62% വോട്ടര്മാര് ബൂത്തിലെത്തി. ജില്ലയില് 80 ശതമാനത്തിന് മുകളില് പോളിംഗ് രേഖപ്പെടുത്തിയ ഏക മണ്ഡലങ്ങളും ഇവയാണ്. മറ്റ് പ്രധാന മണ്ഡലങ്ങളിലെ നിലശ്രദ്ധേയമായ പോരാട്ടം നടന്ന വട്ടിയൂര്ക്കാവ്, കഴക്കൂട്ടം മണ്ഡലങ്ങളിലും വോട്ടര്മാര് വലിയ ആവേശമാണ് പ്രകടിപ്പിച്ചത്. കഴക്കൂട്ടം: 78.67%വട്ടിയൂര്ക്കാവ്: 76.9%അരുവിക്കര: 78.99%നെടുമങ്ങാട്: 78.2%.
ജില്ലയുടെ വടക്കന് മേഖലകളിലാണ് താരതമ്യേന കുറഞ്ഞ വോട്ടിംഗ് ശതമാനം രേഖപ്പെടുത്തിയത്. ഏറ്റവും കുറവ് പോളിംഗ് ആറ്റിങ്ങല് മണ്ഡലത്തിലാണ്. ആറ്റിങ്ങല്: 73.74% (ജില്ലയില് ഏറ്റവും കുറവ്)വര്ക്കല: 73.96%, ചിറയിന്കീഴ്: 74.13%തിരുവനന്തപുരം സെന്ട്രല്: 74.66%.
മണ്ഡലം തിരിച്ചുള്ള പോളിംഗ് നില (രാത്രി 8 മണി വരെ):കാട്ടാക്കട80.72അരുവിക്കര78.99നേമം80.62, നെടുമങ്ങാട്78.2, കഴക്കൂട്ടം78.67, പാറശ്ശാല77.59, വാമനപുരം77.46, നെയ്യാറ്റിന്കര77.52, വട്ടിയൂര്ക്കാവ്76.9, കോവളം75.38, തിരുവനന്തപുരം74.66, ചിറയിന്കീഴ്74.13, വര്ക്കല73.96, ആറ്റിങ്ങല്73.74. പലയിടങ്ങളിലും സമയം കഴിഞ്ഞും വോട്ടര്മാരുടെ നീണ്ട നിര ഉണ്ടായിരുന്നതിനാല് അന്തിമ കണക്കുകള് വരുമ്പോള് ശതമാനത്തില് നേരിയ വര്ദ്ധനവ് ഉണ്ടായേക്കാം. വോട്ടെടുപ്പ് പൂര്ത്തിയായതോടെ ഇനി മുന്നണികള് കണക്കെടുപ്പിന്റെയും ആത്മവിശ്വാസത്തിന്റെയും ഘട്ടത്തിലാണ്.
