കൊല്ക്കത്ത: പശ്ചിമ ബംഗാള് നിയമസഭാ തിരഞ്ഞെടുപ്പിന്റെ ഭാഗമായി സൗത്ത് 24 പര്ഗാനാസ് ജില്ലയിലെ രണ്ട് മണ്ഡലങ്ങളിലായി 15 ബൂത്തുകളില് ഇന്ന് പുനര്വോട്ടെടുപ്പ് നടക്കുന്നു. തിരഞ്ഞെടുപ്പ് ക്രമക്കേടുകള് റിപ്പോര്ട്ട് ചെയ്തതിനെത്തുടര്ന്ന് തിരഞ്ഞെടുപ്പ് കമ്മീഷന് ഇവിടെ റീപോളിംഗിന് ഉത്തരവിടുകയായിരുന്നു. മഗ്രാഹത്ത് പശ്ചിം, ഡയമണ്ട് ഹാര്ബര് എന്നീ രണ്ട് മണ്ഡലങ്ങളിലെ നിശ്ചിത ബൂത്തുകളിലാണ് വോട്ടെടുപ്പ് നടക്കുന്നത്.
മഗ്രാഹത്ത് പശ്ചിമ്മില് 11 പോളിംഗ് സ്റ്റേഷനുകളും, ഡയമണ്ട് ഹാര്ബര് 4 പോളിംഗ് സ്റ്റേഷനുകളും ഉണ്ട്. രാവിലെ 7 മണിക്ക് ആരംഭിച്ച വോട്ടെടുപ്പ് വൈകുന്നേരം 6 മണി വരെ തുടരും. ഏപ്രില് 29-ന് നടന്ന രണ്ടാം ഘട്ട തിരഞ്ഞെടുപ്പിനിടെയാണ് ഈ ബൂത്തുകളില് ക്രമക്കേടുകള് ശ്രദ്ധയില്പ്പെട്ടത്. പശ്ചിമ ബംഗാളില് ഏപ്രില് 23, ഏപ്രില് 29 എന്നിങ്ങനെ രണ്ട് ഘട്ടങ്ങളിലായാണ് നിയമസഭാ തിരഞ്ഞെടുപ്പ് നടന്നത്.
സംസ്ഥാനത്തെ മുഴുവന് ജനവിധിയും മെയ് 4-ന് പുറത്തുവരും. റീപോളിംഗ് നടക്കുന്ന ബൂത്തുകളില് കനത്ത സുരക്ഷയാണ് ഏര്പ്പെടുത്തിയിരിക്കുന്നത്. വോട്ടെണ്ണല് ഡ്യൂട്ടി സംബന്ധിച്ച സുപ്രീം കോടതി വിധി തിരഞ്ഞെടുപ്പ് ഫല പ്രഖ്യാപനത്തില് നിര്ണ്ണായകമാകും.
