പത്തനംതിട്ട: സേവാഭാരതി കുറ്റൂർ ട്രഷറർ സുരേഷ് കുമാർ (65) അന്തരിച്ചു. വെള്ളപ്പൊക്ക ദുരിതാശ്വാസ പ്രവർത്തനങ്ങളിൽ സജീവമായി പങ്കെടുക്കുന്നതിനിടെയാണ് അദ്ദേഹത്തിന് ദേഹാസ്വാസ്ഥ്യം അനുഭവപ്പെട്ടത്. ചെങ്ങന്നൂർ സ്വകാര്യ ആശുപത്രിയിലെ ചികിത്സയിലിരിക്കെ ഇന്ന് രാവിലെയാണ് മരണം സംഭവിച്ചത്.
സേവാഭാരതിയുടെ ദുരിതാശ്വാസ പ്രവർത്തനങ്ങളിൽ സജീവ സാന്നിധ്യമായിരുന്ന സുരേഷ് കുമാറിന്റെ അപ്രതീക്ഷിത വിയോഗം സംഘടനാ പ്രവർത്തകർക്കും പ്രദേശവാസികൾക്കും തീരാനഷ്ടമായി.
